Flash News

Konflikti në Fushë-Milot, policia del me njoftim: Nuk u gjet asnjë gëzhojë

Përplasja në KZAZ Vorë, KQZ revokon akreditimin e vëzhguesve

Sherr në një qendër votimi në Fushë-Milot, qëllohet me armë

Shifrat/ Vlora, qarku me pjesëmarrjen më të ulët në votime

Erion Veliaj voton në ambientet e paraburgimit të Durrësit

Ditari i Opozitës

"Përçarja e opozitës është pengmarrje”, Berisha: Alibeaj ka fshehur të vëllanë e tij kriminel

Politiko 31 Mars 2023, 12:42

"Përçarja e opozitës është pengmarrje”,

Në konferencën e përjavshme  me gazetarët Sali Berisha e cilësoi përçarjen e opozitës si një pengmarrje. Kryedemokrati tha se Lulzim Basha është i marrë peng me dosjen e larjes së 700 mijë dollarëve.

Berisha shtoi se Enkelejd Alibeaj ka fshehur vëllanë e tij, i cili është arrestuar për rrëmbimin me armë në vendet e BE-së.

"Përçarja e opozitës është pengmarrje, ndaj duhet t’i quajmë gjërat siç janë. Lulzim Basha është i marrë peng me dosjen e larjes së 700 mijë dollarëve. Ju e dëgjuat raportin, ato nuk kanë lidhje me PD-në, ato janë transaksione të Bashës. Raportet e CIA-s thonë që janë para ruse."

"Lulzim Bashë është peng edhe i aferave të tjera. Zinxhiri i aferave të tij është i gjatë. Enkelejd Alibeaj ka fshehur të vëllanë e tij kriminel, që është arrestuar për rrëmbimin me armë në vendet e BE dhe sot nuk dihet se ku është. Ndan të fshehtat me Edi Ramën."

"Ndaj dhe mbahet peng. Për këto rekorde kriminale mund të mos zgjidhej deputet, partnerja e tij mund të mos zgjidhej në gjykatë. Por ia kanë mbyllur dhe e mbajnë peng dhe e shëtisin. Kjo nuk është përçarje, është pengmarrje."

Unë i përgëzoj të gjithë ata që u larguan. Geni i tyre për pluralizmin i shtyu që të largohen ndaj këtij aventurieri. Ndaj të dyve. Mos mendoni se Basha ka vetëm akuzën e parave."

"Ka edhe të tjera. Sigurisht ndikon në tërësi, të gjitha këto ndikojnë. Vrasjet ndikojnë, sulmet me armë ndaj Top Channel ndikojnë. Se çfarë sigurie ka këtu. Prandaj opozita po bën thirrje që të firmosim ndryshimin më 14 maj.", deklaroi Berisha.

Për ata që nuk e dinë vëllai i Alibeajt, Taulani u prangos në vitin 2016 në qytetin Han, në Gjermani pas një grabitje me armë të ndodhur atje.  Pas arrestimit, ai u është prezantuar autoriteteve vendase si një efektiv policie në Shqipëri, duke dorëzuar një dokument që ka rezultuar i falsifikuar me emrin Xhavit Mornica.

Pas dëshmisë jobindëse, policia gjermane ka kërkuar informacion nga homologët shqiptarë, të cilëve u ka nisur fotografinë dhe shenjat e gishtave. Pasi u verifikuan këto të dhëna nga Drejtoria e Përgjithshme e Policisë rezultoi se ky shtetas ishte Taulant Alibeaj.

Ky lajm në atë kohë u mohua nga Enkelejd Alibeaj, i cili shpreu se nuk ka asnjë problem me drejtësinë gjermane.

Të fundit