Flash News

Misteri i vrasjes së Renis Dobrës, zbardhen dy pistat kryesore të hetimit

Ultimatumi i Ramës: Të hënën, të gjithë kryetarët e njësive administrative të jenë të shkarkuar

Zjarret në vend, 4 vatra zjarri ende aktive, si paraqitet situata

Rama shënjestron sërish prokuroren Shkodrës: Gjeli hartoi ese filozofike me pafajësinë e ndërtimit pa leje

I shpallur në kërkim për vjedhje, arrestohet 26-vjeçari në Durrës

Ditari i Opozitës

“Pasaporta evropiane e Ramës, përrallë me mbret”, Lela: Dy emra ka në gojë vazhdimisht, Noc Rroku dhe Chris LaCivita

Politiko 13 Prill 2025, 12:41

“Pasaporta evropiane e Ramës, përrallë me mbret”,

Drejtori i Komunikimit në Partinë Demokratike, Alfred Lela ka analizuar hapjen e fushatës së PD-së dhe Ramës.

Gjatë një interviste të dhënë në SYRI TV, Lela u shpreh se, premtimi i Edi Ramës për pasaportën evropiane brenda 4 vitesh është një ‘përrallë me mbret’.

"12 vite me 1 mln shqiptarë të ikur, 12 vite me kanabizim, narkotrafikëzim, përballë një oferte që është e thjeshtë, e qartë, është për shqiptarët.

Ka të bëjë me taksat, me minimumin jetik, ka të bëjë me pensionet, ka të bëjë me një ofertë që e sheh popullin në sy dhe me dhembshuri. Dhe ky është kontrasti dhe mendoj, se edhe shqiptarët që e dinë veten për neutral dhe socialistët e pakënaqur, duhet të shikojnë se çfarë po u ofrohet; gjëra konkrete nga Sali Berisha dhe koalicioni opozitar, dhe po ofron përralla me mbret, që nuk i ka në dorë kryeministri i një vendi të vogël, si pasaporta evropiane. Është një përrallë më mbret.

Ka një batutë të Lutfi Dervishit që e përsëris sa herë dal dhe kam mundësi të dalë nëpër intervista; ky kryeministër që nuk u dha pensionistëve dhe studentëve abone falas për 12 vite, si do u japë pasaportën evropiane për 4 vite?’

Ndërkaq, Lela ka sqaruar edhe pozicionin e Chris LaCivita, që sipas tij është strategu i fushatës së PD, dhe kjo gjë duket që në mesazhet e dhëna, e deri tek detajet e ceremonisë së hapjes së fushatës.

‘Dy emra ka në gojë Edi Rama vazhdimisht, Noc Rroku dhe Chris LaCivita. I pari i pëlqen, i dyti me sa duket jo, përsa kohë e sjell dhe e risjell vazhdimisht në vëmendje, dhe sigurisht duke bërë atë që di të bëjë më mirë fatkeqësisht, sepse është thirrur për të qeverisur dhe për të bërë batuta.

Është i njëjti Ramë që edhe kontestoi me terma të pahijshëm për një kryeministër, shefin e Chris LaCivita, Donald Trump në zgjedhjet e kahershme, të para, duke e quajtur ‘turp të qytetërimit’, por u ndërru dhe ju e mbani mend nëpër samite se, si i vidhej pas për të kapur një foto, apo një buzëqeshje, apo një shtrëngim dore të njëjtit ‘turp qytetërimi’.

Kështu është një Ramë që nuk ka turp dhe mos u çudisni nëse e ha ‘turpin me buk’ një ditë edhe në raport me LaCivita.

Roli i tij është roli i strategut dhe unë mendoj që, strategjia që ai ka skicuar për PD duket, duket tek mesazhi, tek imazhi, u duk dhe të premten mendoj unë, jo vetëm tek mënyra, imazheria e hapjes, por edhe tek mesazhet.

Mesazhi i fushatës tonë, dhe mesazhi që vetë LaCivita është i thjeshtë, është kontrasti. Pra këto nuk janë zgjidhje me dëshira, me ngjyra, është zgjidhja përmes një kontrasti dhe ai është i qartë.’, tha Lela.

Të fundit