Flash News

Të shtëna me armë zjarri, policia gjen tre gëzhoja në Fushë Krujë

Zegjineja e Roskovecit, si vegël e propagandës së Ballukut

Posta e mëngjesit/ Me 2 rreshta: Çfarë pati rëndësi dje në Shqipëri

Nga shpenzimet e ceremonisë te mbishkrimi i varrit, zbardhet testamenti i Papa Françeskut

Vatikani zbulon shkakun e vdekjes së Papa Françeskut: Pësoi goditje në tru

Ditari i Opozitës

“Pasiguria ushqimore”, Muçollari: Jemi në kushtet e një emergjence kombëtare

Politiko 22 Prill 2025, 11:50

“Pasiguria ushqimore”, Muçollari: Jemi në kushtet e

Anëtari i Kryesisë së Partisë Demokratike, Grigels Muçollari, ka marrë pjesë në një takim ku në fokus ishte siguria ushqimore në vend.

Në deklaratën e tij, Muçollari ngriti alarmin për një situatë të rëndë që, sipas tij, po kërcënon familjet shqiptare për shkak të dështimeve të qeverisë në këtë sektor.

Ai paralajmëroi se pas 11 majit PD do të nisë një proces të ri për garantimin e sigurisë ushqimore dhe mbështetjes së fermerëve.

 “Pasiguria ushqimore, pasiguria më e frikshme që po bën kërdinë në familjet tona. Për ta ilustruar papërgjegjshmërinë e një qeverie që nuk ka bërë do të paraqesim denoncime, raportime nga institucione të BE, raportime nga ekspertë.

Qeveria e ka trajtuar AKU si plaçkë lufte që herë pas here u jepej aleatëve, e herë banditëve. Ky institucion ka një tufë gjobëvënës që e kanë dështuar, mungesa e vëmendjes së qeverisë jo vetëm ka rrezikuar jetën tonë, por dhe produktet e fermerëve që kthehen mbrapsht nga BE. Nuk ka gjë më të trishtë mos t’i ofrosh asistencë një fermeri të krijojë produkte “Made in Albania”. Një instalacion për të qetësuar nervat e kryeministrit ka kushtuar 5 milionë euro. 0 fonde për laborator, 0 fonde për rritjen e sigurisë ushqimore. Jemi në kushtet e një emergjence kombëtare. PD angazhohet ta kthejë çështjen e sigurisë ushqimore në çështje të sigurisë kombëtare.

Do të rithemelojmë AKU si institucion të sigurisë kombëtare. Ndryshimi fillon nga emri, duke e quajtur AKSU, Agjensia Kombëtare e Sigurisë Ushqimore.

Do të garantojmë fermerët që produktet e tyre të jenë të vlerësuara dhe të shitura në BE dhe jo të kthyera”, tha Muçollari.

Të fundit