Flash News

GJKKO kthen për hetim në SPAK çështjen e deputetit Asllan Dogjani

Paraqitet në SPAK kryebashkiaku i Rrogozhinës, Edison Memolla

Vrasja në Kamëz, dyshohet për motive hasmërie

U gjet i vrarë në makinë, identifikohet viktima në Kamëz

Gjendet i vrarë me armë zjarri 48-vjeçari në Kamëz

Ditari i Opozitës

Patronazhimi i diasporës, Tabaku: Kjo skemë nuk do të funksionojë jashtë vendit

Politiko 6 Dhjetor 2024, 09:58

Patronazhimi i diasporës, Tabaku: Kjo skemë nuk do të

Deputetja e Partisë Demokratike, Jorida Tabaku, foli për çështjen e votës së diasporës.

Në një lidhje direkte për Syri Tv, Tabaku akuzoi mazhorancën për mungesë të vullnetit politik, duke e cilësuar si shkaktaren kryesore të vonesave mundësimit  të votës së diasporës dhe rreziqeve në zbatimin e saj.

Tabaku theksoi se opozita ka ndërmarrë hapa konkrete, përfshirë dorëzimin e një propozimi ligjor, për të çuar përpara këtë të drejtë demokratike.

"Damian Gjiknuri duhet të jetë personi i fundit që duhet të thotë dhe të gjejë justifikime për votën e diasporës, sepse, nëse sot kjo çështje është shtyrë në këtë afat të skajshëm dhe me rrezik për zbatimin e saj, kjo është rezultat i mungesës së vullnetit politik të mazhorancës.

Ne e kemi shtyrë çështjen e votimit të diasporës në të gjitha mënyrat e mundshme dhe, kur pamë që mazhoranca nuk kishte vullnet, dorëzuam një propozim ligjor. Unë jam një nga deputetët që e kam firmosur, së bashku me 5 deputetë të tjerë të opozitës, për ta çuar këtë çështje edhe në parlament.

Qeveria, kur pa që kjo mund t’i kthehej në një bumerang kundër, atëherë mori masa për ta formalizuar atë.

Ndërkohë që flasim, ju keni të drejtë: ka filluar patronazhimi me të njëjtin sistem dhe skemë që funksionon këtu në Shqipëri. Me të njëjtën metodologji dhe mënyrë, ambasadat janë vënë në funksion, formularët qarkullojnë, dhe administrata publike po raporton se cilët janë personat që ato marrin përsipër nga diaspora për të votuar.

Unë jam e sigurt që me diasporën kjo skemë nuk funksionon, sepse një nga arsyet pse ata janë larguar është pikërisht rezultati i këtyre skemave, i këtij patronazhimi, i këtij sistemi të ngritur.

Por është fatkeqësi që edhe një element kaq të rëndësishëm, siç është e drejta për të votuar e diasporës, e përdorin në këtë mënyrë", tha Tabaku.

Të fundit