Flash News

Zjarr në Kalanë e Elbasanit, rrezikohen banesat pranë

Zjarr në parkingun e një pallati në Tiranë, policia dhe zjarrfikësja ndërhyjnë për evakuimin e banorëve

Shpërthen bombola në një banesë në Durrës, një i lënduar

Do të kalonin drejt Dubait, Bolonjës dhe Parisit, sekuestrohen mijëra euro dhe lek në Rinas

“Dilni jashtë...”/ Publikohen pamjet nga tragjedia në diskotekën në Maqedoninë e Veriut

Ditari i Opozitës

PD: 11 maji është ditë zgjedhjesh, të negociohen data të reja për zhvillimin e ‘Giro d’Italia’ në Shqipëri

Politiko 16 Mars 2025, 10:34

PD: 11 maji është ditë zgjedhjesh, të negociohen data

Zëdhënësja e Antikorrupsionit në PD, Genta Vangjeli ka kërkuar data të reja për zhvillimin  e ‘Giro d’Italia’ në Shqipëri, pasi 11 maji është ditë zgjedhjesh dhe strukturat e shtetit duhet të jenë të angazhuara në sigurinë e tyre.

“Edicioni i 108 i ‘Giro d’Italia’ që do të zhvillohet në Shqipëri në Maj i kushton vendit tonë 7 milionë euro dhe do të mbulohen nga fondi rezervë i buxhetit.

Më herët është alokuar fondi 1 milion euro për organizatorët , ndërsa në datën 6 Mars me anë të VKM nr.147 u miratua fondi 4 milion euro për financimin e këstit të dytë të kontratës për realizimin e tri tureve të para të ‘Giro d’Italia 2025’ dhe diferenca pritet të akordohet në vijim.

Itinerari i eventit përfshin qytetin e Tiranës, Durrësit dhe Vlorës nis në datën 9 Maj, e vijon në datat 10 dhe 11 Maj, kjo e fundit ditë që përkon me datën e dekretuar nga Presidenti për zhvillimin e zgjedhjeve parlamentare.

Në kuadër të zhvillimit të këtij procesi kaq të rëndësishëm për shqiptarët, data 11 Maj është e papërshtatshme për zhvillimin e garave të çiklizmit.

Në këto kushte, Partia Demokratike kërkon të negociohen data të reja për zhvillimin e këtij eventi duke qenë se strukturat mbështetëse të këtij eventi kulturor ku përfshihet edhe Policia e Shtetit duhet të jenë në gatishmëri të mbarëvajtjes së procesit zgjedhor”, deklaroi Vangjeli.

Të fundit