Flash News

4 ditë pasi ndërhyrjes në një klinikë dentare në Tiranë, vdes në spital 63-vjeçari italian

Igli Tare emërohet zyrtarisht si Drejtori Sportiv i ri i Milanit

Dy vëllezër tentojnë të vrasin kushëririn në Kukës, njëri arrestohet pas një viti në arrati

Ndërron jetë Artan Lame, e ëma e konfirmon: Ky moment i mallkuar erdhi

2-vjeçari holandez bie nga kati i tretë i hotelit në Rinas, dërgohet në spital

Ditari i Opozitës

PD ankimon qarkun e Kukësit: Pati manipulime në favor të maxhorancës

Politiko 24 Maj 2025, 10:17

PD ankimon qarkun e Kukësit: Pati manipulime në favor të

PD-Aleanca për Shqipërinë Madhështore ka ankimuar në KAS qarkun e parë Kukësin lidhur me rezultatin e zgjedhjeve të 11 majit.

PD ka kundërshtuar miratimin nga ana e KQZ të rezultatit për këtë qark, pasi ka akuza për blerje votash, tjetërsim vote të diasporës apo manipulime në favor të maxhorancës, edhe pse ne këtë qark PD fitoi dhe mori dy mandate , ndërsa PS mori 1 mandat.

“Të gjitha faktet, indiciet dhe provat në disponimin tonë, provojnë në mënyrë të qartë dhe të pakundërshtueshme se kemi të bëjmë me shkelje të rënda të dispozitave të Kodit Zgjedhor:
Problemet e zgjedhjeve në qarkun e Kukësit, përfshirë rrethet Kukës, Tropojë dhe Has, janë thellësisht të ndërlidhura me izolimin gjeografik, varfërinë strukturore dhe keqadministrimin e burimeve publike.

Në kontekstin e zgjedhjeve të 11 majit 2025, këto probleme janë pasqyruar dhe përkeqësuar nga përdorimi politik i administratës shtetërore, intimidimi i votuesve dhe ndërhyrja e grupeve të interesit kriminal. Raporti ndërkombëtar i vëzhgimit të zgjedhjeve i OSBE-ODIHR, i datës 12 Maj 2025 (bashkëngjitur kopja e tij] përmend në mënyrë eksplicite se përdorimi i burimeve administrative nga partia në pushtet ka krijuar një avantazh të padrejtë dhe ka ndikuar ndjeshëm në rezultatin e zgjedhjeve.

Në Kukës, kjo është përkthyer në presion mbi nëpunësit civilë, aktivizimin e strukturave të patronazhimit dhe madje edhe intimidim të votuesve të opozitës, sipas Raportit të OSBE-ODIHR. Kjo klimë e presionit dhe manipulimit bie ndesh me çdo standard demokratik dhe ka prodhuar një atmosferë ku farsa zgjedhore zë vendin e garës reale.

Në zona si Tropoja dhe Hasi, ku varfëria është e përhapur dhe mundësitë për zhvillim ekonomik janë të reduktuara, kapja e votës përmes premtimeve të ndihmës ekonomike ose shantazhit të punësimit shtetëror është edhe më e lehtë për t’u realizuar.

Në thelb, Kukesi, Tropoja dhe Hasi përfaqësojnë nje tablo të qartë të brishtësisë demokratike në Shqipëri.
Pabarazia në garë, kapja e institucioneve, instrumentalizimi i varfërisë dhe mungesa e përfaqësimit real krijojnë një cikël të mbyllur ku qytetarët ndihen të pa përfaqësuar, të pambrojtur dhe të abuzuar në mënyrë të përsëritur”, theksohet në ankimim.

PD ankimon qarkun e Kukësit: Pati manipulime në favor të