Flash News

PD-ASHM siguron dy mandate në Kukës, Isuf Çelaj më i votuari preferencial

Drejtori i ARRSH-së paraqitet në SPAK

Berisha thërret protestë më 16 maj: Zgjedhjet u diktuan nga bandat kriminale

Dosja “Toyota Yaris”/ SPAK kërkon 6 vite burg për avokatin Radovan Çela

Shkodër, familjarët gjejnë të varur 65-vjeçaren

Ditari i Opozitës

PD-ASHM siguron dy mandate në Kukës, Isuf Çelaj më i votuari preferencial

Politiko 13 Maj 2025, 20:01

PD-ASHM siguron dy mandate në Kukës, Isuf Çelaj më i

Qarku i Kukësit do të përfaqësohet në Kuvendin e Shqipërisë me tre deputetë të dalë nga zgjedhjet parlamentare të 11 majit, ku rezultati ka prodhuar dy mandate për Koalicionin PD-ASHM dhe një mandat për Partinë Socialiste.

Nga radhët e opozitës, kandidati Flamur Hoxha siguron automatikisht mandatin, pasi ndodhej në listën e mbyllur të koalicionit. Ndërkohë, për mandatin e dytë demokrat, gara është dominuar nga deputeti aktual Isuf Çelaj, i cili deri më tani ka marrë 6,588 vota preferenciale, duke e vendosur atë praktikisht në rrugën e rikonfirmimit.

Pas Çelajt, renditen Shkëlqim Shehu me 4,072 vota dhe Elvira Peka me 2,363 vota.

Nga kampi socialist, mandatin e vetëm në këtë qark e siguron Eduard Shalsi, i cili, si drejtues politik i qarkut, ndodhej gjithashtu në listën e mbyllur të Partisë Socialiste.

Rezultatet në Kukës pasqyrojnë një ndarje të qartë mes dy forcave kryesore politike, me opozitën që arrin të ruajë një shumicë përfaqësimi në këtë qark verilindor të vendit.

Të fundit