Flash News

Gjykojeni protestën nga kundërshtarët

Aksident në Greqi, ndërron jetë 16-vjeçari shqiptar

Protesta trazon PS-në/ Zegjineja e ‘meme-ve’ sulmon influenceren: Shëmtirë, diote. Balla kapet me Reuters

Vrasja në Paskuqan/ Autori është gjurmuar deri në Bovillë, ka braktisur mjetin

Publikoi tezën e Letërsisë 20 minuta pas nisjes së provimit, përjashtohet maturanti në Kukës

Ditari i Opozitës

PD çon në Gjykatën Kushtetuese çështjen "Bechetti", kërkon të shpallet i pavlefshëm vendimi i Kuvendit  

Politiko 25 Tetor 2021, 10:56

PD çon në Gjykatën Kushtetuese çështjen

Partia Demokratike ka depozituar në Gjykatën Kushtetuese kërkesën për shfuqizimin e vendimit të Kuvendit për çështjen "Bechetti".

Kuvendi votoi kundër propozimit të PD për ngritjen e Komisionit Hetimor për këtë çështje me arsyetimin se është në kundërshtim me interesat e shtetit shqiptar.

Sikurse ishte paralajmëruar kërkesa u depozitua paraditen e kësaj të hënë. Sekretari i Përgjithshën i selisë blu, Gazmend Bardhi tha për gazetarët se PD e nuk tërhiqet nga kjo çështje, teksa vuri theksin dhe te padia që ka depozituar në SPAK.

Barshi shtoi se për çështjen e inceneratorëve mazhoranca ka kërkuar një javë kohë, duke bërë me dije se vendimi do të merret ditën e enjte.

"PD ka depozituar një kallëzim në SPAK për përgjegjësit e kësaj afere. Bëhet fjalë për një hetim parlamentar, për përgjegjësinë administrative të zyrtarëve. Që në prill kur janë depozituar faktet kemi dorëzuar në SPAK kallëzim. Dhe kemi paraqitur kërkesën për komision hetimor. S’ka pasur bisedime të tjera për inceneratorët dhe kanë kërkuar 1 javë kohë. Të enjten pritet vendimi. Duam që të hetohet afera e inceneratorëve dhe jo të krijojmë grup pune", u shpreh ai.

Kujtojmë që sipërmarrësi italian fitoi në arbitrazh gjyqin kundër shtetit shqiptar për vendimin e mbylljes së biznesit të tij në vendin tonë, duke përfituar edhe një shpërblim mbi 100 milionë eurosh.

Kryedemokrati Lulzim Basha ka deklaruar më herët se ka informacione se kryeministri Edi Rama ka urdhëruar të mos votohet pro hetimit për çështjen "Bechetti". Ai shtoi se në bashkëpunim me ndërkombëtarët do t'i shkojë deri në fund kësaj çështjeje që e cilëson aferë të tëmerrshme.

PD ka kërkuar ngritjen e Komisionit Hetimor dhe për hetimin e kontratave të inceneratorëve dhe disa çështjeve që lidhen me zgjedhjet e 25 prillit, që ajo i konsideron "masakër zgjedhore".

Të fundit