Flash News

Sherri tek zyrat elektorale të PSD, del FOTO e autori me me "Skorpions" të zi në dorë

Lobimi/ Sqaron Celibashi: PD s’ka asnjë detyrim të depozitojë dokumente

Fushata anti-amerikane e Edi Ramës

SPAK nis hetim për takimet e ish-shefit të Rrugores, merr në pyetje dy shefa komisariatesh

Zbardhet pas 7 vitesh krimi në Voskopojë, Antonio Karafili nuk u vetëvar, lëshohet urdhër arrest për ish të dashurën

Ditari i Opozitës

PD denoncon krim zgjedhor në Vlorë dhe Selenicë: Kallëzime penale për shpërdorim detyre ndaj zyrtarëve lokalë

Politiko 29 Prill 2025, 17:36

PD denoncon krim zgjedhor në Vlorë dhe Selenicë: Kallëzime

Partia Demokratike ka depozituar dy kallëzime penale pranë Prokurorisë së Vlorës dhe SPAK, duke akuzuar eksponentë të mazhorancës në qarkun e Vlorës për përfshirje në krime zgjedhore dhe shpërdorim detyre me qëllim ndikimin në procesin elektoral.

Sipas njoftimit zyrtar të PD-së, kallëzimi i parë vjen nga dega e partisë në Vlorë dhe ka në fokus drejtuesit aktualë të Zyrës Vendore të Arsimit Parauniversitar. Ata akuzohen për përdorimin e strukturave arsimore në funksion të fushatës zgjedhore, në kundërshtim me ligjin dhe parimet e neutralitetit institucional.

Kallëzimi i dytë është dorëzuar nga PD në Selenicë dhe përfshin kryetarin e Bashkisë, i cili sipas PD-së, ka shpërdoruar funksionin publik për të ndikuar te votuesit dhe për të favorizuar një subjekt të caktuar politik gjatë fushatës.

“Partia Demokratike i bën thirrje organeve të drejtësisë që të veprojnë pa vonesë dhe me seriozitet për hetimin e këtyre rasteve, duke ndëshkuar çdo akt abuzimi me pushtetin që cenon integritetin e procesit zgjedhor dhe vullnetin e qytetarëve”, thuhet në deklaratë.

PD e ka përsëritur vazhdimisht shqetësimin për përfshirjen e strukturave shtetërore në funksion të fushatës së mazhorancës, duke e konsideruar këtë një skemë të qëllimshme për të deformuar rezultatin zgjedhor.

Të fundit