Flash News

Gjykojeni protestën nga kundërshtarët

Aksident në Greqi, ndërron jetë 16-vjeçari shqiptar

Protesta trazon PS-në/ Zegjineja e ‘meme-ve’ sulmon influenceren: Shëmtirë, diote. Balla kapet me Reuters

Vrasja në Paskuqan/ Autori është gjurmuar deri në Bovillë, ka braktisur mjetin

Publikoi tezën e Letërsisë 20 minuta pas nisjes së provimit, përjashtohet maturanti në Kukës

Ditari i Opozitës

PD denoncon asfaltin elektoral: Rama dhe SPAK po mbulojnë manipulimin e zgjedhjeve

Politiko 7 Maj 2025, 14:05

PD denoncon asfaltin elektoral: Rama dhe SPAK po mbulojnë manipulimin e

Dy kandidatët për deputet Besart Xhaferri dhe Lisandër Hoxha kanë denoncuar në SPAK shkeljet e rënda elektorale që po kryhen nga qeveria.

Ata deklaruan se kallëzimi penal i bërë vetëm tre javë më parë për asfaltin elektoral është pushuar nga SPAK pa u marrë në shqyrtim thelbësor.

Sipas tyre, çështja është dërguar për apel në GJKKO, e mbështetur me të gjitha faktet dhe provat e nevojshme.

“Ai kallëzim u bë këtu, para këtyre dyerve, para tre javësh, por është pushuar nga SPAK – nuk është marrë parasysh. Ne kemi ndjekur rrugën tjetër ligjore dhe e kemi çuar në apel pranë GJKKO-së, duke bashkëngjitur të gjitha faktet. Problemi është se çështja është trajtuar vetëm në mënyrë administrative dhe jo si shkelje e Kodit Zgjedhor.

Sot, qytetarët po shohin nga të gjitha anët asfaltime elektorale që nuk duhet të ekzistonin. Kam një pyetje të sinqertë, por edhe retorike për zotin Dumani: Çfarë arritët me atë Task Forcë që e reklamuat me aq bujë, sikur do të ndalte krimin elektoral? Ne e dinim që nuk do të arrinte asgjë, sepse jeni pikërisht ju ai që keni pushuar dosjet 184 dhe 339 – dosje që partnerët tanë ndërkombëtarë i kërkojnë me vendosmëri, pasi lidhen drejtpërdrejt me kapitujt e hapjes së negociatave për anëtarësimin në BE, ku një nga kushtet është ndëshkimi i krimeve zgjedhore.

Sot, personi i përfshirë në dosjen 184 është Ministër i Drejtësisë – kolegu juaj. Ndërkohë, personi që ngrinte në detyrë një nga një të tjerët është Kryeministri.

Ajo Task Forcë, ajo flluskë sapuni, ai hi që përpiqeni t’u hidhni syve shqiptarëve duke thënë se po bëni detyrën, ishte e destinuar të dështonte – dhe ka dështuar.

Ajo që nuk do të dështojë është qeveria që do të formohet më 11 maj, e cila do t’i ndjekë me vendosmëri të gjitha këto çështje. Krimi më i madh në këtë vend është vrasja e votës së lirë.

I bëj thirrje të gjithë punonjësve të administratës: mos u bëni kamikazë të Ramës. Ai ju ka dhënë mjaftueshëm prova se ju përdor, pastaj ju hedh dhe veten e quan të pamposhtur. Mos u bëni pjesë e mitit që ai do të krijojë, sikur përmes referendumeve popullore, që janë zgjedhjet, mund të certifikojë çmendurinë e tij – çmenduri që e ka shndërruar këtë vend në një narkoekonomi dhe po e transformon në një narkoterrorizëm, duke boshatisur Shqipërinë nga çdo bir e bijë shqiptare”, tha Xhaferri.