PD denoncon: Kompania e Ermal Beqirajt ‘pushton’ AKSH-in, SPAK të hetojë tenderat

Zëdhënësja e antikorrupsionit në Partinë Demokratike, Genta Vangjeli, ka denoncuar disa shkelje në procedurën e tenderit të Drejtorisë së Përgjithshme të Arkivave të Shtetit.

Ky tender ka si objekt "Blerje kuti dhe dosje për ruajtje të përhershme" dhe ka një fond limit prej 2.2 milionë eurosh. Sipas PD, operatori që ka fituar tenderin ka paraqitur një ofertë prej 1.7 milionë euro, ndërsa një operator tjetër, i kualifikuar, ka ofruar një çmim më të lartë me 267 mijë euro.

Pas ankesës së operatorit të dytë, Komisioni i Prokurimeve Publike (KPP) ka skualifikuar fituesin e shpallur, por ky i fundit ka bërë apel në gjykatë. Gjykata Administrative e Apelit ka vendosur të shfuqizojë vendimin e KPP-së dhe ka urdhëruar vazhdimin e procedurës duke zbatuar vendimin e saj të formës së prerë.

PD kërkon hetime të mëtejshme mbi këtë proces dhe akuzon për shkelje të rregullave ligjore.

Deklarata

Operatori tjetër i kualifikuar, por me ofertë me vlerë 267 mijë euro më shumë se fituesi, ankohet pranë KPP dhe ky i fundit vendos me anë të vendimit datë 25 Mars 2024 të skualifikojë  fituesin e shpallur nga KVO.

Fituesi i shpallur nga KVO, tashmë i skualifikuar nga vendimi i KPP-së ankohet në gjykatë dhe si rezultat, Gjykata Administrative e Apelit vendos me anë të vendimit të formës së prerë (v.2024) të shfuqizojë vendimin e  KPP-së dhe urdhëron autoritetin kontraktor të vijojë procedurën duke zbatuar këtë vendim gjykate i cili përbën titull ekzekutiv dhe është i ekzekutueshëm nga shërbimi përmbarimor si vendim i formës së prerë.

Pas rishpalljes si fitues me vendim gjykate të formës së prerë, ankimuesi i njëjtë ridorëzon ankimimin e dytë pranë KPP për të njëjtën procedurë dhe të njëjtin operator dhe

KPP me anë të vendimit nr. 162/2025 pranon  të shqyrtojë një ankesë të paraqitur nga operatori ankimues i njëjtë për një procedurë të njëjtë për të cilën është shprehur gjykata me vendim të formës së prerë dhe vendos ndryshe.

Denoncuesi shpjegon se KPP si shkak ka përdorur argumentin se ndaj shoqërisë fituese është regjistruar procedimi penal dhe ka një akt ekspertimi të kryer nga prokuroria ende në fazën e hetimit paraprak,  veprime këto në shkelje të të paktën:

LPP nenin 76 pika 1/dh,

Kodin e Procedurave Administrative nenet 13, 14, 17″.

Vangjeli pyet se çfarë i detyron institucionet shtetërore të veprojnë ndryshe nga sa ka vendosur organi hierarkik më i lartë ligjor, pra Gjykata Administrative e Apelit?!