Flash News

Posta e mëngjesit/ Me 2 rreshta: Çfarë pati rëndësi dje në Shqipëri

Gjykojeni protestën nga kundërshtarët

Aksident në Greqi, ndërron jetë 16-vjeçari shqiptar

Protesta trazon PS-në/ Zegjineja e ‘meme-ve’ sulmon influenceren: Shëmtirë, diote. Balla kapet me Reuters

Vrasja në Paskuqan/ Autori është gjurmuar deri në Bovillë, ka braktisur mjetin

Ditari i Opozitës

PD dorëzon listën me 300 persona: Kanë marrë para për votat, të provohet nëse janë pjesë e administratës

Politiko 24 Maj 2021, 11:18

PD dorëzon listën me 300 persona: Kanë marrë para për

Marash Logu

Komisioni i Ankesave dhe Sanksioneve po shqyrton sot ankimimet e PD dhe LSI për qarkun e Durrësit. Përfaqësuesi ligjor i PD, Marash Logu akuzoi disa zyrtarë të këtij qarku se kanë blerë votat. Sipas tij, PD i ka depozituar rreth një javë para zgjedhjeve kallëzim penal në SPAK për këta persona, që sipas Logut janë me të shkuar kriminale.

Ai tha se kandidatët socialistë si Jurgis Çyrbja, Ilir Ndraxhi dhe Rrahman Rraja kanë lidhje me krimin e organizuar. Përfaqësuesi i selisë blu tha se PD ka depozituar në SPAK 50 kallëzime penalepër blerjen e votave. PD kërkon përsëritjen e zgjedhjeve në këtë qark, ndërsa LSI rinumërimin e votave.

“Kandidat për deputet të PS ishin Jurgis Çyrbja, Ilir Ndraxhi, Rrahman Rraja, të njohur për lidhjet e tyre me krimin e organizuar. Cyrbja ish-drejtor i Kadastrës ka dalë në përgjime të prokurorisë si i përfshirë në vepra kriminake, rasti konkret privatizimi i Vollgës.

Ndraxhi doli te përgjimet e BILD si njeri për të cilin kriminelët kishin punuar për të siguurar votat e tij. Rrahman Rraja e familja e tij njihet si bandë kriminale në Fushë Krujë, familjarët e tij në vijimësi janë pjesë e personave me rekorde të tmerrshme kriminale.

PD ka depzituar 50 kallëzime penale në SPAK, 30 prej tyre me raste flagrante të shitblerjes së votës, nga drejtues e përfaqësues të PS“, tha Marash Logu.

Ky i fundit tha se në KAS është dorëzuar një listë prej 300 personash, që sipas PD, kanë marrë nga 100 deri në 300 euro në këmbim të votës.

Logu kërkoi kryqëzimin e të dhënave për të kuptuar nëse këta persona kanë votuar apo jo, dhe nëse kanë qenë pjesë e administratës zgjedhore.

"Si prova që duhet të administrohen nga administrata zgjedhore kërkojmë që të merren të dhënat e kryqëzuara ndërmjet pajisjeve të identifikimit elektronik për zonën zgjedhore Qarku Durrës si dhe nga ana jonë janë depozituar tre lista me rreth 300 emra dhe kërkojmë që nga administrata zgjedhore të verifikohet në qoftë se këta persona kanë votuar në Durrës, në cilat qendra votimi kanë votuar.

Si dhe nëse kanë qenë pjesë e administratës zgjedhore. Kjo është një provë e re që po e bëjmë në mënyrë verbale. Lista është pjesë e provave tona. Janë 300 emra personash që ne mendojmë se kanë të dhënat e tyre personale emër, mbiemër, numër telefoni, QV adresa, por edhe shumat e parave që ata kanë marrë në këmbim të votës, por duam që nëpërmjet të dhënave që do të kryqëzohen nga administrata zgjedhore të verifikohet nëse kanë votuar nëpërmjet listave të zgjedhësve si dhe ta paraqiten të dhëna nëse kanë qenë pjesë e administratës zgjedhore. Janë prova që mund të merren nga ana e KLQZ sepse janë nën administrimin e saj", tha Logu.