Flash News

Bie zjarr në një pallat në Astir

KAS i rrëzoi kërkesën për rinumërim të votave, Alimehmeti padit KQZ-në në Kolegjin Zgjedhor

Mahmut Orhan sjell një eksperiencë unike me Curious X

Gjashtë policë dërgohen në gjyq, nuk vendosnin gjoba edhe pse shikonin shkelje

Vrasja e Martin Canit/ 5 të mitur thirren për të dëshmuar në Gjykatë, autori mohon akuzat

Ditari i Opozitës

PD fiton Kavajën: Hysen Kadiu: Përballë lojërave të regjimit, fiton ai që punon me përkushtim

Politiko 13 Maj 2025, 11:07

PD fiton Kavajën: Hysen Kadiu: Përballë lojërave të

Hysen Kadiu, kandidati që rezultoi më i votuari në procesin e Primareve të PD, ka reaguar pas fitores që PD-AShM mori në Kavajë.

Në një reagim në Facebook, Kadiu shkruan se Kavaja tregoi triumfin e dëshirën dhe vullnetit të demokratëve për ndryshim.

Kadiu shprehet se puna dhe angazhimi i demokratëve të Kavajës dëshmuan se, përballë vështirësive të regjimit, fitimtarë dalin ata që punojnë me seriozitet dhe përkushtim.

“Kavaja tregoi edhe një herë se, përballë çdo vështirësie, triumfon dëshira dhe vullneti i demokratëve për ndryshim.

Përballë çdo padrejtësie të kundërshtarit dhe jo vetëm, kavajasit vulosën me votën e tyre fitoren e PD-së. Puna dhe angazhimi i demokratëve të Kavajës dëshmuan se, përballë vështirësive të regjimit dhe lojërave meskine të atyre që u dhurohen vende në listën e sigurt, fitimtarë dalin ata që punojnë me seriozitet dhe përkushtim, pa u përfshirë në lojërat e pushtetit dhe duke u përqendruar te nevoja që kanë qytetarët për ndryshim.

Krenar për Kavajën dhe qytetarët e saj, ata që treguan sot e gjithmonë se demokracia triumfon në qytetin ku nisi lëvizja për ndryshimin e madh të viteve ’90. Një dëshirë dhe vullnet që nuk e ndal dot askush!”, shkruan Kadiu.

Të fundit