Flash News

Ditari i Opozitës

PD kërkon përjashtimin e 7 gjyqtarëve të Kolegjit Zgjedhor: Nuk garantojnë paanshmëri në gjykim

PD kërkon përjashtimin e 7 gjyqtarëve të Kolegjit Zgjedhor:

Partia Demokratike kërkon përjashtimin e 7 prej 8 gjyqtarëve të Kolegjit Zgjedhor. Kjo kërkesë vjen pasi Kolegji rrëzoi kërkesën e PD për pavlefshmëri të rezultatit të 25 prillit dhe përsëritje të zgjedhjeve në Gjirokastër, Vlorë dhe Berat.

Sipas PD, gjyqtarët sikurse komisionerët e KAS-it kanë refuzuar transparencën mbi "masakrën zgjedhore", siç e cilëson opozita.

"Refuzimi i i kërkesave të PD për marrjen zyrtarisht të provave i vendos këta gjyqtarë në pamundësi për të gjykuar me paanësi 6 kërkesat e tjera të ngjashme te PD për blerjen e votës dhe deformimin e rezultatit të zgjedhjeve përmes përdorimit të shtetit në funksion të PS", thuhet në deklaratën e PD.

Kjo e fundit ka renditur disa shkelje, që sipas selisë blu, janë konsumuar nga gjyqtarët e Kolegjit Zgjedhor. Duke marrë parasysh vendimet e deritanishme të këtij intitucioni, PD  thekson se do vijohet me këtë qendrim nga ana e Kolegjit përballë ankimimeve.

"PD vlerëson se vazhdimi i ankimimeve me të njëjtën trupë zgjedhore, e cila është shprehur 3 herë me radhë kundër kërkesës së PD për transparencën e zgjedhjeve, është në shkelje të parimeve themelore të Gjykatës së Strasburgut për dhënien e drejtësisë", shprehet Partia Demokratike.

PD kërkon përjashtimin e 7 gjyqtarëve të Kolegjit Zgjedhor:

Të fundit