Flash News

Gjykojeni protestën nga kundërshtarët

Aksident në Greqi, ndërron jetë 16-vjeçari shqiptar

Protesta trazon PS-në/ Zegjineja e ‘meme-ve’ sulmon influenceren: Shëmtirë, diote. Balla kapet me Reuters

Vrasja në Paskuqan/ Autori është gjurmuar deri në Bovillë, ka braktisur mjetin

Publikoi tezën e Letërsisë 20 minuta pas nisjes së provimit, përjashtohet maturanti në Kukës

Ditari i Opozitës

PD kërkon përsëritjen e zgjedhjeve edhe në qarkun e Fierit

Politiko 28 Maj 2025, 20:52

PD kërkon përsëritjen e zgjedhjeve edhe në qarkun e Fierit


Partia Demokratike ka zgjeruar listën e ankimimeve në Komisionin e Ankimimeve dhe Sanksioneve (KAS), duke kërkuar këtë herë përsëritjen e zgjedhjeve edhe në qarkun e Fierit. Sipas njoftimit zyrtar, PD ka depozituar kërkesën për anulimin e rezultatit të miratuar nga Komisioni Qendror i Zgjedhjeve (KQZ) për zgjedhjet e mbajtura më 11 maj.

Në argumentimin e saj, PD-ASHM pretendon se procesi zgjedhor në këtë qark është manipuluar në mënyrë masive përmes përfshirjes së funksionarëve publikë në fushatë, blerjes së votës dhe përdorimit të elementëve kriminalë për të ndikuar rezultatin.

“Në Fier kemi të bëjmë me një skenar të pastër të tjetërsimit të vullnetit të zgjedhësve. Janë dokumentuar raste kur eksponentë të botës së krimit kanë patrulluar në zonat urbane dhe rurale, kanë bllokuar rrugë dhe kanë ushtruar presion të drejtpërdrejtë mbi individë dhe familje për të ndikuar votën e tyre,” thuhet në deklaratën e PD-së.

Kjo është ankesa e radhës e PD-së pas atyre të dorëzuara për qarqe të tjera, teksa opozita kërkon hetim të plotë të shkeljeve dhe përsëritje të zgjedhjeve në disa zona të vendit.

Të fundit