Flash News

Ditari i Opozitës

PD-LSI vetëm në 1 qark me listë të përbashkët, Kryemadhi tregon pse s´ranë dakort për Dibrën dhe Gjirokastrën

PD-LSI vetëm në 1 qark me listë të përbashkët,

Partia Demokratike dhe Lëvizja Socialiste për Integrim do të hyjnë vetëm në Qarkun e Kukësit me një listë të përbashkët. Këtë gjë e ka konfirmuar kryetarja e LSI-së, Monika Kryemadhi. 

Në lidhje me Qarkun e Dibrës, Kryemadhi deklaroi se arsyeja pse nuk u futën në një listë të përbashkët ishte për shkak të kuotave gjinore, ku LSI duhet të propozonte një kandidate femër dhe kështu mbetej jashtë garës Hajri Laçi. Në lidhje me Gjirokastrën, ajo shtoi se PD është zotuar se do e marrë vetë një mandat dhe sipas saj edhe Vangjel Tavo i LSI-së e ka të sigurt fitoren.

"Ishte në diskutim qarku i Gjirokastrës dhe i Dibrës dhe Kukësi. Ne kemi lënë vetëm Kukësin , sepse në Qarkun e Gjirokastrës vetë Partia Demokratike mori përsipër duke thënë që e marrin mandatin vetë. Ndërkohë që edhe z. Tavo sigurisht që e merr mandatin, madje mund të merrnin edhe një mandat të dytë, prandaj Rama ia hoqi mandatin e pestë Gjirokastrës, pasi kishte frikë se mos e merrte LSI dy mandate. Ndërsa në Qarkun e Dibrës kandidati ynë kryesor që është Dr. Hajri Laçi duhet të ishte një femër për listën e PD-së që të hynim në një listë të përbashkët, kështu që ne automatikisht jemi të detyruar që të dalim me listë me vete. Mandati i Dibrës është një mandat i konsoliduar, pasi kujtojmë që në 2017-n LSI kishte kundër PDIU-në, Partinë Demokratike dhe Partinë Socialiste." - u shpreh Kryemadhi për A2.

Të fundit