PD mbledh sot Këshillin Kombëtar, pritet të zyrtarizohet ekipi i ri i Bashës, pikat kyçe në rendin e ditës

Partia Demokratike mbledh sot Këshillin Kombëtar për të zgjedhur ekipin e ri nën drejtimin e kreut të demokratëve Lulzim Bashës. Mbledhja do të zhvillohet në orën 18:00 në ambientet e selisë blu.

Rendi i ditës:

Konstituimi i Këshillit të ri Kombëtar dhe zgjedhja e Kryetarit të Këshillit Kombëtar.

Zgjedhja e Kryesisë dhe Sekretariatit të Partisë; e Kryetarit të Komisionit të Apelimit, Integritetit dhe Etikës; e Komisionit Zgjedhor; dhe të Bordit Financiar të Partisë.

Njoftimi i përbërjes së Kryesisë së Grupit Parlamentar të PD.

Caktimi i drejtuesve te Departamenteve të Këshillit Kombëtar.

Një ditë më parë PD-ja publikoi listën me emrat që do të përfaqësojnë ekipin e ri të Bashës në legjislaturën e re. Demokratët këtë vit sjellin risi. PD do të ketë dy nënkryetare: Jorida Tabaku, nënkryetare përgjegjëse për marrëdhëniet me jashtë dhe Grida Duma, nënkryetare përgjegjëse për marrëdhëniet me shoqërinë civile. 

Edi Paloka do të zëvendësojë Bujar Nishanin, duke marrë kështu postin e kreut të Këshillit Kombëtar të demokratëve. Basha i ka besuar eedhe këtë vit Gazment Bardhit detyrën e Sekretarit të Përgjithshëm.

Nënkryetar i PD-së dhe kryetar i Grupit Parlamentar, është përzgjedhur ish-drejtuesi i fushatës dhe tashmë deputet i Tiranës, Alfred Rushaj. Drejtuesi politik i Qarkut të Fierit Enkelejd Alibeaj është propozuar kandidatura kyç nënkryetar të Kuvendit dhe nënkryetar i PD.

 Jemin Gjana, është nominuar si Kryetar i Komisionit Zgjedhor. 

Deputetja e zgjedhur, shkrimtarja e botuesja Flutura Açka është nominuar për një post të rëndësishëm, atë të Kryetares së Komisionit të Apelimit, Integritetit dhe Etikës. 

Për Sekretare për Pronarët dhe çështjet e pronave, është nominuar Ledina Mandian, Jonila Godole, një prurje e re në Partinë Demokratike, do të jetë Sekretare për të Përndjekurit Politikë. 
 
Për Sekretariatin për Klimën e Biznesit, Basha ka zgjedhur drejtuesin politik të Qarkut të Kukësit dhe sipërmarrësit Flamur Hoxha. 

Deputetët janë ndarë në 8 komisone ku drejtimi nga ana e PD i është besuar:  

Komisioni për Integrimin Europian: Jorida Tabaku 

Komisioni për Edukimin dhe Mjetet e Informimit Publik: Agron Gjekmarkaj 

Komisioni për Punën, Cështjet Sociale dhe Shëndetësinë: Albana Vokshi  

Komisioni për Çështjet Ligjore, Administratën Publike dhe të Drejtat e Njeriut: Oerd Bylykbashi 

Komisioni për Ekonominë dhe Financat: Sorina Koti 

Komisioni për Veprimtaritë Prodhuese, Tregëtinë dhe Mjedisin: Helidon Bushati 

Komisioni për Sigurinë Kombëtare: Flamur Noka 

Komisioni për Politikën e Jashtme: Tomorr Alizoti