Flash News

Gjykojeni protestën nga kundërshtarët

Aksident në Greqi, ndërron jetë 16-vjeçari shqiptar

Protesta trazon PS-në/ Zegjineja e ‘meme-ve’ sulmon influenceren: Shëmtirë, diote. Balla kapet me Reuters

Vrasja në Paskuqan/ Autori është gjurmuar deri në Bovillë, ka braktisur mjetin

Publikoi tezën e Letërsisë 20 minuta pas nisjes së provimit, përjashtohet maturanti në Kukës

Ditari i Opozitës

“PD në involucion”, Topi: Me këtë kryetar nuk ka pikë shprese, Basha ka luajtur me alibinë se s’është i lirë

Politiko 20 Shtator 2021, 09:49

“PD në involucion”, Topi: Me këtë kryetar nuk ka

Përjashtimi i ish-liderit Sali Berisha nga kreu i demokratëve Lulzim Basha është kthyer në temën më të nxehtë të zhvillimeve politike sidomos në selinë blu.

I ftuar në emisionin “Dita Jonë” në A2 CNN, ish-presidenti Bamir Topi ka komentuar jo vetëm vendimin e Bashës për Berishën, por edhe zhvillimet e fundit sidomos aksionin e këtij të fundit për reformimin e PD-së.

Topi i ka cilësuar zhvillimet e fundit në PD si involucion, teksa thekson se në një vend demokrat ka nevojë për një balancë mes maxhorancës dhe opozitës.

“Unë i shoh me një sy realist dhe për më tepër kur t’i e pret këtë situata e kam parë me shumë gjakftohtësi. Shoh një precipitim të asaj që ka nisur prej vitesh. Ky është involucion. Këtu nuk e kam fjalën vetëm për anën sasiore, por kur ikën pjesë më cilësore, unë mendoj se duhet parë drama se si po precipiton kjo e djathtë. Këtu nuk kam parasysh vetëm bindjet ideologjike, por kam parasysh që një vend demokratik duhet të ketë një ekuilibër mes mazhorancës dhe opozitës, kur krijohen distanca të mëdha vritet shpresa,” ka thënë Topi.

Sa i përket vendimit të Bashës për largimin e ish-kryeministrit, Topi shprehet se të dyjapalët duhej ta kishin gjetur një kompromis mes tyre. Sipas tij, është krijuar përshtypja se Basha pengohej nga Berisha.

“Unë kam menduar se Basha dhe Berisha do të gjenin një kompromis prej kohësh për një dalje të butë, por psikoza ishte ndryshe, sikur Basha pengohej nga Berisha në punën e tij. Këtë e kam përdorur edhe unë. Basha është produkt i Berishës, nga vitit 2005, në rrethana shumë të mistershme katapultohet. Në vitin 2013, gara është vrarë. Këtu influenti ka qenë Berisha,” shton më tej ish-presidenti.

Ish-presidenti thotë se kreu i demokratëve Basha ka pasur momente kur mund ta kishte ndaluar,por sipas tij ai ka luajtur me alibinë se nuk është i lirë.

“Kam ndjerë një keqardhje të madhe kur në zgjedhjet e 25 prillit pamë Berishën që jo vetëm ishte në listë, por ndodhi ashtu siç ai thoshte, do ta takojë për ta caktuar vendin kudo të jem. Është krijuar ideja se ky vendos. Basha ka pasur momente që në mënyrë elegante mund t’i kishte thënë stop. Nëse se ke këtë fuqi, atëherë ik. O je, o nuk je. Ai ka luajtur me alibinë që nuk është i lirë. Problemi është se të gjithë atje kanë qenë viktimë të kësaj bindje të kthyer në psikozë,” deklaron Topi.

Topi deklaron se me Bashën në krye PD-ka nuk ka pikë shprese, teksa thekson se vendi ndodhet në këmbët e maxhorancës dhe për këtë problemi qëndron tek opozita.

“Unë nuk kam pasur rast të bëjë analizë mbi deputetët, por unë shoh fytyrën e kryetarit, shoh përfaqësuesin e tyre. Duke njohur kryetarin, nuk ka pikë shprese. Kjo është një gjë e provuar. Ka shumë hipokrizi brenda, pandershmëri, ka shumë egoizëm. Ky vend është në këmbët e këtij që është sot në pushtet, jo në këmbët e opozitës. Shqipëria është totalisht në këmbët e mazhorancës dhe kjo është dramatike. Unë nuk bëj me faj Edi Ramën, në sytë e mi është i falur. Pas 8 vitesh ti shkon në mandatin e tretë dhe thua do fitojmë mandatin e katërt, problemi nuk është tek ty, por te opozita,” ka thënë Topi.