Flash News

Gjykojeni protestën nga kundërshtarët

Aksident në Greqi, ndërron jetë 16-vjeçari shqiptar

Protesta trazon PS-në/ Zegjineja e ‘meme-ve’ sulmon influenceren: Shëmtirë, diote. Balla kapet me Reuters

Vrasja në Paskuqan/ Autori është gjurmuar deri në Bovillë, ka braktisur mjetin

Publikoi tezën e Letërsisë 20 minuta pas nisjes së provimit, përjashtohet maturanti në Kukës

Ditari i Opozitës

PD: Nga vëllai tek kunata, Veliaj punëson në bashki pjestarë të së njëjtës familje, kostoja 1 mln euro në vit

Politiko 19 Prill 2023, 13:05

PD: Nga vëllai tek kunata, Veliaj punëson në bashki pjestarë

Zëdhënësja e fushatës së opozitës për Bashkinë e Tiranës, Silvi Bardhi, denoncoi sot rrjetën e nepotizmit në institucionin e drejtuar nga kryebashkiaku Erion Veliaj, duke publikuar një listë të të paktën 127 personave nga e njëjta familje që punojnë në drejtoritë e Veliajt.

“Drejtori i Inspektoratit ka të punësuar vëllanë, kunatin dhe kunatën. Drejtorja e “Tirana Parking” ka të punësuar motrën, bashkëshortin dhe kunatin. Drejtori i policisë bashkiake ka të punësuar gruan dhe nipin”, tha Bardhi.

Më tej ajo akuzoi kryebashkiakun Veliaj për braktisje të detyrës dhe miliona euro të shpenzuara në bileta për udhëtime jashtë vendit e dieta gjatë 4 muajve që nuk ka qenë në detyrë.

PD: Nga vëllai tek kunata, Veliaj punëson në bashki pjestarë

DEKLARATA E PLOTË

Mbi 10 milionë euro borxh ka lënë Erion Veliaj në dy mandate që ka drejtuar Bashkinë e Tiranës. Këto janë detyrime që do t’i shlyejnë qytetarët e Tiranës.

Teksa ka rritur taksat dhe tarifat dhe ka lëshuar policinë bashkiake në fushata ndëshkimi duke vjelur miliona euro, sërish, të gjitha këto nuk i mjaftojnë Erion Veliajt. Kjo është qeverisja e tij.

Janë qindra punonjës të Bashkisë që paguhen me taksat tona, thjesht për t’i shërbyer Erion Veliajt, profilit të tij personal, interesave politike që ai ka. Qindra punonjës që mbahen me taksat tona, kujdesen që Erjon Veliaj të dalë mirë në publik, të pëlqehet, t’i bëhet shpërndarje në rrjetet sociale.

Vetë Erion Veliaj, në gjysmën e parë të vitit të kaluar, ka kaluar 4 muaj e gjysmë jashtë shtetit, duke marrë të paktën 11 mijë euro dieta. Ndërkohë që me këto udhëtime nuk i ka sjellë qytetit asnjë përfitim, asnjë investim të huaj, asnjë shërbim që të jetë i vlefshëm për jetën tonë.

Gjatë një vëzhgimi të pjesshëm të nëpunësve, tek 270 emra, rezultojnë 127 emërime nepotike. Drejtuesit më të rëndësishëm të Bashkisë kanë futur familjarët dhe të afërmit në pozicione të rehatshme, me rroga të mira. Kjo është e padrejtë.

Taksapaguesit më të varfër të Europës nuk kanë pse të sakrifikojnë kaq shumë, që Erion Veliaj të duket bukur në publik. Duhet ndryshim. Qytetarët e Tiranës e kanë në duart e tyre ta kthejnë Bashkinë në normalitet e në shërbim të qytetit, jo të kryetarit.