Flash News

Gjykojeni protestën nga kundërshtarët

Aksident në Greqi, ndërron jetë 16-vjeçari shqiptar

Protesta trazon PS-në/ Zegjineja e ‘meme-ve’ sulmon influenceren: Shëmtirë, diote. Balla kapet me Reuters

Vrasja në Paskuqan/ Autori është gjurmuar deri në Bovillë, ka braktisur mjetin

Publikoi tezën e Letërsisë 20 minuta pas nisjes së provimit, përjashtohet maturanti në Kukës

Ditari i Opozitës

PD ngre alarmin: Rilindja fundos arsimin, mbyllen 295 shkolla gjatë tetë viteve të fundit

Politiko 31 Gusht 2024, 14:38

PD ngre alarmin: Rilindja fundos arsimin, mbyllen 295 shkolla gjatë

Partia Demokratike ngre alarmin se gjatë viteve 2013-2022 janë mbyllur 295 shkolla 9-vjeçare në vend, ose 22% e shkollave të arsimit të detyruar.

Drejtuesja e Departamentit të Arsimit në Partinë Demokratike, Lili Sula tha në një deklaratë për mediat se emigrimi i shqiptarëve në nivele më të larta se vendet e rajonit, pagat e ulëta të mësuesve, mosgarantimi i cilësisë, etj., janë shkaqe të forta për të ardhur në këtë ditë.

Deklarata:

Ky vit shkollor fillon me thellimin e braktisjes masive të arsimit tonë.
Gjatë viteve 2013-2022 janë mbyllur 295 shkolla 9-vjeçare në vend, ose 22% e shkollave të arsimit të detyruar, sipas të dhënave zyrtare, të cilat lenë vend për pikëpyetje.
Këto janë shifra të dala nga INSTAT, pra janë zyrtare.
Po t’i shtojmë kësaj shifre mbylljen e institucioneve të arsimit parashkollor dhe atyre të mesëm të lartë, tabloja e zhbërjes dhe gremisjes së arsimit bëhet më e plotë.
Arsimi 9-vjeçar është i detyruar dhe u garantohet në Kushtetutë nxënësve, por emigrimi i shqiptarëve në nivele më të larta se vendet e rajonit, pagat e ulëta të mësuesve, mungesa e infrastrukturës digjitale, mosmbështetja financiare e sistemit arsimor, politizimi i tij, mosgarantimi i cilësisë, reforma e dështuar e kurrikulave, mungesa e motivimit për mësuesit, rënia e nivelit profesional të tyre e mbi të gjitha projekti i shpopullimit të vendit, janë shkaqe të forta për të ardhur në këtë ditë.
Vendi ynë shënoi rënien më të madhe në nivel botëror në rezultatet e testit ndërkombëtar PISA 2022 , nxënësit tanë u renditën të fundit në botë për mendimin krijues – rezultate që e plotësojnë edhe më shumë tablonë mjerane të arsimit shiptar.
Rilindja sot e financon arsimin më pak se sa financohej para viteve 1990: shteti diktatorial e financonte arsimin në shumën 4-5% të PBB, nivel që ishte i krahasueshëm për kohën me vendet e tjera të OECD-së.
Rilindja e ka financuar arsimin gjatë kësaj dekade më pak se financimi që i jepte qeveria e Partisë Demokratike në vitet 2005-2013. Sot arsimi financohet gati 40% më të ulët se vendet e zhvilluara dhe 20% më pak se financimet që japin vendet e rajonit.
Arsimi ynë ka shkuar në pikën fundore, dhe mësuesit shprehen se reformat e gjatë këtyre viteve i kanë shndërruar ato në burokratë, duke i rrirur ngarkesën që nuk ka lidhje me përçuesin e dijes.
Partia Demokratike premton që do e ngrejë arsimin nga humnera ku e ka gremisur Rilindja dhe figura e mësuesit do të gëzojë statusin që i takon, për t’i edukuar fëmijët me shërbim arsimor të barabartë dhe cilësor për të gjithë.
Është detyrim ligjor, është mision profesional e human dhe Partia Demokratike e ka shpallur prioritet kombëtar dritësimin i nxënësve sot që të kemi një shoqëri të zhvilluar neser.