PD paraqet provat ligjore: Si Jamarbër Malltezi mbahet i burgosur politik nga SPAK me urdhër të Ramës?

Përfaqësuesi për Çështjet Ligjore në PD, Ivi Kaso, ka paraqitur me fakte se si Jamarbër Malltezi mbahet i burgosur politik me urdhër të Edi Ramës.

Në një deklaratë nga selia blu, Kaso tha se SPAK e akuzon Malltezin pëër korrupsion pasiv. Pra, Malltezi i ka dhënë para vetes qqë të fitojë pronën e familjes. Kaso thekson se mospërmbushja e bazave ligjore për caktimin e masës arrest me burg është dëshmi tjetër flagrante e karakterit politik të burgosjes së Malltezit.

"Nuk ka asnjë dyshim se Jamarbër Malltezi mbahet i burgosur politik edhe për faktin se ai është dhëndri i kryetarit të PD Sali Berisha, parti e cila po i bën çdo ditë autopsinë kufomës politike të narkoshtetit të Edi Ramës. Partia Demokratike deklaron se SPAK-u i partisë nuk ka juridiksion mbi Jamarbër Malltezin, por ai është aty si i dënuar politik sepse SPAK shkel ligjin sipas orekseve politike të Edi Ramës.

SPAK pretendon se ai ka kryer korrupsion pasiv, pra ka marrë para. Po për çfarë? Për të fituar vete pronen e tij te ligjshme?! 

Korrupsioni nënkupton dhënien e parave nga personi që përfiton diçka që nuk i takon me ligj dhe jo marrjen e tyre për të marrë atë që të takon me ligj. Në shpikjen e SPAK Jamarber Malltezi i ka dhënë vetes para që të fitojë pronën e familjes së tij. Kjo akuze qesharkë bëhet vetëm që t’i shërbehet luftës politike të Edi Ramës.

Neni 228 pika 3 i Kodit të Procedurës Penale,përcakton se masat e sigurimit personal vendosën:

a) kur ekzistojnë shkaqe të rëndësishme që vënë në rrezik marrjen ose vërtetësinë e provës, bazuar në rrethana fakti që duhet të tregohen posaçërisht në arsyetimin e vendimit;

b) Cilat rrethana në këtë rast rrezikojnë marrje e provave të 10 apo 20 viteve më parë. Zero. Asnjë. Përveç mllefit politik të Edi Ramës, që e ka vënë drejtësinë nën thundër dhe e përdor si drapër mbi opozitën. Asnjë fakt nuk ka arsyetuar gjykata se pse duhej masa e sigurisë. Kjo sepse masa duhej vetëm për të mposhtur opozitën dhe jo për të zbatuar ligjin. Por SPAK s’ka më lidhje me ligjin.
 
Po ky nen në piken (b) përcakton se; masat e sigurimit personal vendosen kur i pandehuri është larguar ose ekziston rreziku që ai të largohet.

Jamarber Malltezi nuk është i pandehur, por “person nën hetim”, por ndaj tij përdoret masa arrest me burg vetëm si hakmarrje politike.  Po ky nen në piken (c) parashikon se; Masat e sigurimit personal vendosen kur për shkak të rrethanave të faktit dhe personalitetit të të pandehurit ka rrezik që ai të kryejë krime të rënda ose të të njëjtit lloj me atë për të cilin proçedohet", deklaroi Kaso.

Çfarë vepre do të kryejë Jamarbër Malltezi? Kaso shton se  Neni 230 përcakton kriteret e veçanta për caktimin e masës së arrestit në burg dhe sanksionon se “Arresti në burg” mund të vendoset vetëm kur çdo masë tjetër është e papërshtatshme për shkak të rrezikshmërisë së veçantë të veprës dhe të pandehurit.

Ai theksoi se një dëshmi tjetër e qartë e karakterit politik të burgosjes së Jamarbër Malltezit është vendimi për arrestimin e tij në date 20.10.2023 i cili është marrë në bazë të një vendimi absolutisht të pavlefshëm, në kuptimin e nenit 245 paragrafi1(ç) të Kodit te Procedures Penale, i cili parashikon se: “Vendimi që cakton masën e sigurimit përmban, me pasojë pavlefshmërie:…ç) parashtrimin e shkaqeve pse nuk merren parasysh pretendimet e parashtruara nga mbrojtja, si dhe arsyetimi ipapërshtatshmërisë së masave të tjera të sigurimit, kur caktohen masat e sigurimit shtrënguese të parashikuara nga nenet 237, 238 dhe 239 të këtij Kodi.

"Pra me fjalë të tjera, është absolutisht ipavlefshëm vendimi i caktimit të masës sësigurisë që nuk ka arsyetuar refuzimin ose pranimin e argumentave të mbrojtjes, qofshin këto të dhëna nga avokati apo nga personi nën hetim.

Lexoni pak vendimin prej 200 faqesh të GJKKO të datës 20 tetor dhe gjeni qoftë edhe në një rresht të vetëm një argument të vetëm të mbrojtjes. 

Kjo sepse në 3 vjet hetime të drejtuara nga Taulant Balla e Edi Rama, prokurorët e SPAK nuk guxuan kurrë të thërrisnin në pyetje Jamarbër Malltezin apo Sali Berishën, për arsyen e thjeshtë sepse ata do të zbërthenin menjëhere shpifjet e pabaza të Taulant Ballës dhe shtrembërimet e fshehjet e dokumentave të SPAK.

Në shtator të këtij viti, Jamarbër Malltezi bëri padi për kallzim të rremë ndaj Taulant Ballës në SPAK mbi akuzat e tij po në këtë çështje. Në atë padi ai parashtronte të gjithë përgjigjet dhe argumentat e tij kundër këtyre akuzave, si dhe dërgoi një sërë dokumentash zyrtare qëprovonin vërtetësinë e deklaratave të tij. 

SPAK sigurisht që nuk guxoi të merrte Ballën të pandehur për kallzim të rremë, dhe ktheu përgjigje se çështja ishte ende nën hetim. As edhe argumentat që Jamarbër Malltezi paraqiti në kallzimin e tij ndaj Ballës në prokurori nuk u përmenden nga kjo e fundit apo nga gjykata në vendimin e masës sësigurisë, sikur ato të mos ekzistonin.

Pra gjykata vendosi masën e arrestit me burg, pa e pyetur kurrë personin dhe pa dëgjuar qofte edhe një fjalë prej tij për akuzat e ngritura e të hetuara për tre vjet dhe pa gjetur pas tre vitesh hetime shteruese asnjë provë, fakt apo dokument, asnjë deshmi nga dhjetëra të pyetur, që e fajëson atë.

Ndaj sipas neni 245 ky vendim ështëabsolutisht i pavlefshëm", deklaroi Kaso.