Flash News

Gjykojeni protestën nga kundërshtarët

Aksident në Greqi, ndërron jetë 16-vjeçari shqiptar

Protesta trazon PS-në/ Zegjineja e ‘meme-ve’ sulmon influenceren: Shëmtirë, diote. Balla kapet me Reuters

Vrasja në Paskuqan/ Autori është gjurmuar deri në Bovillë, ka braktisur mjetin

Publikoi tezën e Letërsisë 20 minuta pas nisjes së provimit, përjashtohet maturanti në Kukës

Ditari i Opozitës

PD përjashton Berishën nga partia, VOA: Vendimi nuk ishte surprizë

Politiko 11 Janar 2022, 18:06

PD përjashton Berishën nga partia, VOA: Vendimi nuk ishte

Ish kryetari i Partisë Demokratike, njeriu që ishte ndër themeluesit e saj dhe që e drejtoi këtë forcë politike deri në vitin 2013, Sali Berisha, nuk do të jetë më as anëtar i PD-së. Kryesia e kësaj partie ka reaguar më dorë të hekurt ndaj ngjarjeve të 8 janarit, kur selia e PD-së u sulmua nga mbështetësit e zotit Berisha duke shkatërruar dhunshëm një pjesë të mirë të mjediseve të saj.
Masa ndëshkuese janë marrë ndaj të 28 anëtarëve të Komisionit të Rithemelit të PD, strukturë e ngritur nga Kuvendi i thirrur më 11 dhjetor nga zoti Berisha, për të drejtuar partinë deri në zgjedhjet e reja, por që nuk njihet nga kryetari Lulzim Basha dhe institucionet e kësaj partie.

Përveç zotit Berisha, përjashtimi i menjëhershëm nga PD, prek dhe 8 emra të tjerë, mes të cilëve edhe ish presidentin Bujar Nishani apo dhe tre deputetët Flamur Noka, Edmond Spaho dhe Albana Vokshi. Ndërsa për 19 të tjerë, është vendosur pezullimi i menjëhershëm nga anëtarësia si dhe nga funksionet e tjera në parti. Në total, janë të paktën 10 deputetë, të cilët nuk konsiderohen më përfaqësues të kësaj force politike.

Sipas deklaratës së Partisë Demokratike, në përfundim të mbledhjes që u mbyll në orët e para të mëngjesit të sotëm, vendimi u mor “pas sulmit të dhunshëm dhe të parapërgatitur të 8 Janarit” gjatë protestës “që ishte lajmëruar si paqësore, por ishte përgatitur për të shkaktuar gjakderdhje mes demokratëve”; “pas shkatërrimit të paprecedentë të Selisë Qendrore të Partisë Demokratike, nga individë me rekorde kriminale dhe pa asnjë lidhje me Partinë Demokratike, të urdhëruar, organizuar dhe nxitur nga organizatorët e protestës”; “pas tentativës që përmes akteve të dhunës dhe kërcënimeve për destabilizim t’i imponohen vendimmarrjes së shumicës dërrmuese të të gjitha institucioneve të parties” dhe pasi kur kanë kaluar 48 orë nga ngjarja, sipas kryesisë së PD-së “nuk ka asnjë akt distancimi nga dhuna e paprecedentë e urdhëruar, organizuar dhe nxitur nga disa anëtarë të partisë, ndaj partisë së tyre dhe anëtarëve të Partisë Demokratike”.

Në fakt, vendimi nuk duket të jetë ndonjë surprizë, nëse merret parasysh fakti se që mbrëmjen e 8 janarit zoti Basha deklaroi se ajo çfarë kishte ndodhur kishte shënuar “ndarjen përfundimtare me zotin Berisha”.

Disa prej deputetëve të përjashtuar ose të pezulluar kanë reaguar në rrjetet sociale duke folur për një vendim të pavlefshëm, duke vlerësuar se sipas tyre zoti Basha dhe institucionet aktuale të kësaj partie nuk janë funksionale, pasi janë rrëzuar nga Kuvendi i mbajtur prej tyre në 11 dhjetor. VOA