Flash News

Evazioni fiskal i ‘Bankers’, lihet në burg CEO kinez dhe ish-drejtori

Përplasen dy makina në aksin Sarandë-Delvinë, 4 të plagosur

Alarm për bombë, Policia largon deputetët dhe mediat nga ndërtesa e Kuvendit të Kosovës

“Vullneti i popullit” dhe ironia e dorëheqjeve të komanduar

Përfundon pa ndryshime rinumërimi i votave në Durrës

Ditari i Opozitës

PD prezanton programin për biznesin dhe anti-korrupsionin, Basha: Moratorium 1-vjeçar për sistemin e inspektimit

Politiko 22 Shkurt 2021, 10:54

PD prezanton programin për biznesin dhe anti-korrupsionin, Basha:

Partia Demokratike ka prezantuar ditën e sotme programin e saj për biznesin dhe anti-korrupsionin. Gjatë fjalës së tij, kryedemokrati Lulzim Basha falenderoi ekspertët që kontribuan në hartimin e këtij plani, ndërsa shtoi se pikat e punës janë të studiuara mirë dhe do të zbatohen menjëherë nëse fiton zgjedhjet.

“Falenderoj ekspertët shqiptarë dhe të huaj për punën e jashtëzakonshme qe kanë zhvilluar rreth një viti e gjysmë, kemi javë që prezantojmë planet e punës të mirëmenduara, të studiuara, që nuk janë premtime boshe, dhe janë gati të zbatohen menjëherë pasi të fitojmë zgjedhjet, një kryeministër që nuk mban angazhimet ndaj qytetarëve nuk meriton një mandat tjetër”, tha Basha.

Kreu demokrat u zotua se me ardhjen në pushtet do ta fusë Shqipërinë në listën e 30 vendeve më të mira për të bërë biznes.

“Objektivi ynë është ta fusim Shqipërinë mes 30 vendeve më të mira për të bërë biznes. Ne do të vendosim një moratorium 1 vjeçar, gjatë të cilit do të ndalohen gjobat nga organet lokale apo qendrore për bizneset dhe do të reformohet tërësisht sistemi i inspektimit. Ne do ta ulim dhe do ta kufizojmë me ligj edhe numrin e inspektimeve dhe kontrolleve ndaj bizneseve. Gjatë një viti nuk do të bëhen më shumë se 10% inspektime apo kontrolle te bizneseve. Do të përgjysmojmë afatet ligjore për çdo leje që kërkon vendimmarrje shtetërore, nga 60 ditë për lejet mjedisore të tipit A në vetëm 30 ditë”, shtoi ai.

Gjithashtu, Basha premtoi se do të ngrejë Bordin e Transparencës Fiskale me emërim nga parlamenti, dhe ngritjen e menjëhershme të Agjencisë Kundër Korrupsionit.

"Unë angazhohem të ngre Bordin e Transparencës Fiskale, i pavarur nga qeveria, me emërim nga Parlamenti, që do të monitorojë zbatimin e të gjitha politikave fiskale. Me një institucion të besueshëm ndërkombëtar do të kalohet në lupë çdo koncesion dhe PPP i dhënë duke përfshirë në një hetim të imtësishëm çdo kontratë të dhënë këto vite. Nuk do të ketë asnjë gare publike me një operator me qëllim që të rrisim konkurrencën në treg. Nuk do të ketë asnjë kontratë të re publike për ato kompani që nuk kanë përfunduar 70% të punës në kontratat ekzistuese, me qëllim të zgjerojmë numrin e kompanive dhe të rrisim konkurrencën. Unë angazhohem në ngritjen e menjëhershme të Agjencisë Kundër Korrupsionit, e cila do të koordinoje përpjekjet tona për të luftuar korrupsionin në çdo qelizë, duke përgatitur dhe dosjet korruptive”, tha kreu demokrat.