Flash News

Gjykojeni protestën nga kundërshtarët

Aksident në Greqi, ndërron jetë 16-vjeçari shqiptar

Protesta trazon PS-në/ Zegjineja e ‘meme-ve’ sulmon influenceren: Shëmtirë, diote. Balla kapet me Reuters

Vrasja në Paskuqan/ Autori është gjurmuar deri në Bovillë, ka braktisur mjetin

Publikoi tezën e Letërsisë 20 minuta pas nisjes së provimit, përjashtohet maturanti në Kukës

Ditari i Opozitës

PD prezanton programin për shëndetësinë/ Nga riorganizimi i spitaleve deri te rimbursimi i barnave, pikat kryesore

Politiko 1 Shkurt 2021, 11:24

PD prezanton programin për shëndetësinë/ Nga riorganizimi i

Aktiviteti i prezantimit të programit

Partia Demokratike ka shpalosur sot programin për shëndetësinë në kuadër të zgjedhjeve të 25 prillit. Basha tha se ky është një plan serioz dhe ka në qendër pacientin.

Ai premtoi se ky program do të ndryshojë jetën e qytetarëve dhe se do t’i sigurojë bluzave të bardha një pagë më dinjitoze.

“Një plan serioz dhe të zbatueshëm, sepse vërtet të gjithëve na kanë ardhur në majë të hundës me premtimet boshe.

Me këtë plan, ne do ta shërojmë Shqipërinë. Do të krijojmë kushtet qe jo vetëm të ringrihemi nga shtrati i lëngimit, por të ndërtojmë një sistem model për të gjithë rajonin.

Sot, ne angazhohemi dhe u garantojmë gjithë shqiptareve se do të bëjmë një ndryshim në shëndetësi, që do te sjellë një jetë më të shëndetshme dhe me cilësore për të gjithë, pa përjashtim.

Plani ynë shëndetësor do të ndryshojë jetët e prindërve tuaj. Plani ynë shëndetësor do te ndryshojë jetën e fëmijëve tuaj. Ne shqiptarët paguajmë më shumë nga çdo vend tjetër në rajon para nga xhepi për kujdesin shëndetësor.

Ne angazhohemi që jo vetëm të ulim tarifat në mënyrë të ndjeshme, por edhe që këto para të mos shkojnë në xhepat e atyre që kanë kapur sistemin shëndetësor, por të kthehen përsëri tek ju me një shërbim cilësor dhe dinjitoz si për çdo qytetar Europian”, tha Basha.

Pikat kryesore të planit

Pacienti do të vendoset në qendër të sistemit sipas parimit “paraja ndjek pacientin.” Qytetarët do të zgjedhin vet mjekun e familjes, klinikën, apo spitalin ku doni të kuroheni.

Spitalet publike do të riorganizohen duke dhënë autonomi menaxheriale, për të rritur kujdesin dhe aftësinë për t’ju shërbyer ju sa më mirë.

Paga dinjitoze për mjekët dhe infermieret. Paga e infermiereve do të behet 700 euro dhe e mjekëve 1200 euro.

Rritja e numrin të mjekëve dhe hapja e një fakulteti të ri mjekësor në Shqipëri.

Sigurimi i bazës ligjore dhe kontrolli i plotë që në Shqipëri të shiten vetëm ilaçe të cilësisë së lartë të standardit të vendeve europiane.

Rimbursimi i ilaçeve sipas diagnozës dhe jo sipas skemës aktuale.

Disa ditë më parë kryedemokrati prezantoi programin ekonomik për zgjedhjet e 25 prillit. Basha tha se ky plan do të “zhdukte varfërinë ekstreme”. Prezantimi i programit nga ana e PD është shoqëruar me ironizime nga mazhoranca, e cila e ka quajtur të pamundur realizimin e tij.