All - Scripts - 4
All - Scripts - 5

Flash News

Gjykojeni protestën nga kundërshtarët

Aksident në Greqi, ndërron jetë 16-vjeçari shqiptar

Protesta trazon PS-në/ Zegjineja e ‘meme-ve’ sulmon influenceren: Shëmtirë, diote. Balla kapet me Reuters

Vrasja në Paskuqan/ Autori është gjurmuar deri në Bovillë, ka braktisur mjetin

Publikoi tezën e Letërsisë 20 minuta pas nisjes së provimit, përjashtohet maturanti në Kukës
Desktop - General - 1

Ditari i Opozitës

Përfaqësuesi i PD në KQZ: Votat e PS në diasporë, të plotësuara nga e njëjta dorë

Politiko 13 Maj 2025, 20:50
All - Paragraf - 1

Përfaqësuesi i PD në KQZ: Votat e PS në diasporë,

Përfaqësuesi i Partisë Demokratike në Komisionin Qendror të Zgjedhjeve, Franc Nuri, ngriti akuza të forta për manipulim të votës nga Partia Socialiste, gjatë një interviste në “SYRI TV” me moderatoren Armela Ferko.

All - Paragraf - 3

Sipas Nurit, të gjitha votat e Partisë Socialiste të numëruara nga diaspora mbajnë shenja të njëjta, pasi “janë plotësuar nga e njëjta dorë”, siç dëshmohet nga mënyra identike e vendosjes së kryqit në çdo fletë votimi. Ai theksoi se ndryshimi i ngjyrës në disa fletë votimi është një tjetër sinjal alarmi që, sipas tij, ngre dyshime serioze për vota të importuara nga jashtë qendrave të votimit.

“Elementi i ngjyrës është thelbësor. Fleta e votimit ka ngjyrë dhe peshë të përcaktuar nga KQZ. Mungesa e këtyre elementëve sugjeron se mund të jenë futur fletë nga jashtë. Ne po kërkojmë që të shihen kamerat për të verifikuar realisht se çfarë ka ndodhur në qendrat e votimit gjatë ditës”, u shpreh Nuri.

Ai ngriti gjithashtu dyshime për aplikimin e skemës së njohur si “treni bullgar”, ku një fletë e vlefshme përdoret në mënyrë të koordinuar kundrejt pagesës, për të manipuluar votimin në zinxhir. Nuri tha se në disa qendra votimi në Tiranë janë konstatuar fletë të palosura jo mirë, të vendosura njëra pas tjetrës, duke forcuar dyshimet për mbushje kutish.

Ndër të tjera, Nuri theksoi se nga vëzhgimet në Parkun Olimpik, ku po numërohen votat e diasporës, vërehet se shumica e votave të PS nuk kanë kryqin në siglën e partisë, por vetëm te kandidatët. Sipas tij, kjo tregon për një fenomen të pazakontë, që ngre pikëpyetje mbi vërtetësinë e vullnetit të votuesve.

“Rezultatet që po dalin nga numërimi nuk po shoqërohen me entuziazëm nga ata që po i fitojnë, sepse edhe vetë ata e dinë çfarë ka ndodhur. Dyshimet tona janë të mbështetura në prova vizuale, elemente të sigurisë dhe mënyrën e plotësimit të votës”, përfundoi përfaqësuesi i PD në KQZ.

Të fundit