Flash News

Gjykojeni protestën nga kundërshtarët

Aksident në Greqi, ndërron jetë 16-vjeçari shqiptar

Protesta trazon PS-në/ Zegjineja e ‘meme-ve’ sulmon influenceren: Shëmtirë, diote. Balla kapet me Reuters

Vrasja në Paskuqan/ Autori është gjurmuar deri në Bovillë, ka braktisur mjetin

Publikoi tezën e Letërsisë 20 minuta pas nisjes së provimit, përjashtohet maturanti në Kukës

Ditari i Opozitës

Përndjekja politike e Berishës, Paloka: IPU kërkoi mision, Spiropali nuk kthen përgjigje

Politiko 21 Janar 2025, 12:13

Përndjekja politike e Berishës, Paloka: IPU kërkoi mision,

Deputeti i Partisë Demokratike, Edi Paloka në një deklaratë për media, tha se Kuvendi i Shqipërisë nuk i përgjigjet kërkesës së Unionit Ndërparlamentar, për misionin faktmbledhës për çështjen e përndjekjes të liderit të opozitës, Sali Berisha.

Paloka u shpreh se Unioni Ndërparlamentar i ka kërkuar kryetares së Kuvendit të pranojë një mision faktmbledhës për çështjen e përndjekjes së Berishës, por pas më shumë se dy muajsh, Spiropali as ka denjuar të kthejë përgjigje.

“Nga 30 tetori i vitit të shkuar Unioni Ndërparlamentar (IPU), organizata më e madhe ndërkombëtare ku përfaqësohen 181 Parlamente nga e gjithë bota, nëpërmjet Sekretarit të Përgjithshëm i ka kërkuar kryetares së Kuvendit të Shqipërisë të pranojë një mision faktmbledhës për çështjen e përndjekjes së liderit të opozitës Sali Berisha! Pas më shumë se dy muajsh Kryetarja e Kuvendit të Shqipërisë nuk ka denjuar as t’i kthejë përgjigje Sekretarit të Përgjithshëm të IPU që është dhe funksionari më i lartë i Unionit! Është e qartë që kemi të bëjmë me një qëndrim politik të urdhëruar nga Edvin Rama, autori dhe ekzekutori i përndjekjes politike të Sali Berishës! Kryetarja e Parlamentit nuk do të guxonte të mbante një qëndrim të tillë ndaj Organizatës më të madhe botërore Parlamentare pa qenë urdhëruar nga shefi i saj politik.

Si anëtar i delegacionit shqiptar në IPU, unë bashkë me anëtarë të tjerë të delegacionit jemi thirrur në seanca pyetjesh prej Komitetit të të Drejtave të Njeriut për Parlamentarët në Unionin Ndërparlamentar! Ky komitet shqyrton me përparësi pikërisht shkeljen dhe abuzimet e rënda me të drejtat e deputeteve në gjithë shtetet e botës! Si zbatim të këtyre detyrave dhe kompetencave Komiteti ka marrë në shqyrtim dhe çështjen e shkeljes flagrante dhe persekucionit politik ndaj liderit të opozitës shqiptare Sali Berisha! Në këtë kuadër Komiteti i Të Drejtave të Njeriut për Parlamentarë ka informuar Komitetin Ekzekutiv, organin më të lartë ekzekutiv te IPU, lidhur me çështjen e Sali Berishës dhe Komiteti Ekzekutiv ka marrë vendim që të dërgojë një mision në Shqipëri për këtë çështje . Vete Sekretari i Pergjitheshem i IPU ka derguar kerkesen e tij formale tek Elisa Spiropali e cila sic e thashe me larte , duket se ka marre urdher per te injoruar kete kerkese!

Si antare i delegacionit shqiptare ne IPU , dua t’ju informoje se ne kaq vite eshte rasti i pare qe IPU detyrohet te shqyrtoje nje ceshtje qe ka te beje me shkelje dhe abuzim te rende me te drejtat e deputeteve te nje Parlamenti evropian. Pervec disa rasteve ne Rusi dhe Turqi te cilat nuk jane vende kandidate per ne BE, te gjitha rastet e tjera te shkeljeve te te drejtave te deputeteve ju perkasin vendeve te Afrikes !

Pas rezolutave te njepasnjeshme te EPP, IDU dhe ICD te cilat denojne ashper narkoregjimin e Rames dhe i japin mbeshtetje te plote opozites shqiptare dhe liderit te saj Sali Berisha ne perpjekjet per rrezimin e regjimit dhe rikthimin e demokracise ne Shqiperi, shqyrtimi i shkeljes se te drejtave te njeriut nga nje organizate globale si IPU eshte nje goditje qe Rama po perpiqet ta ta shmange e ta fshehe nga opinioni publik .

I mesuar per vite te tera te bleje influenca dhe mbeshtetje nga Mc Gonigalet neper bote, tani qe eshte demaskuar dhe eshte vene ne shenjester nga institucionet me te rendesishme nderkombetare, kreu i narkoregjimit po perpiqet te fshihet e te shmanget . Perpjekje te deshperuara sepse tashme kembanat per te kane rene ne Shqiperi e jashte saje!”, deklaroi Paloka.