Flash News

Igli Tare emërohet zyrtarisht si Drejtori Sportiv i ri i Milanit

Dy vëllezër tentojnë të vrasin kushëririn në Kukës, njëri arrestohet pas një viti në arrati

Ndërron jetë Artan Lame, e ëma e konfirmon: Ky moment i mallkuar erdhi

2-vjeçari holandez bie nga kati i tretë i hotelit në Rinas, dërgohet në spital

Vlorë/ Përplasi të miturën dhe u largua nga vendngjarja, shpallet në kërkim 27-vjeçarja

Ditari i Opozitës

Përplasja me Lucën, Boçi: Telefoni është i imi. Video është shpërndarë nga PS, është manipuluar e vërteta

Politiko 19 Mars 2021, 14:33

Përplasja me Lucën, Boçi: Telefoni është i imi. Video

Ish-deputeti demokrat, Luçiano Boçi ka përgënjeshtruar akuzat e biznesmenit Gjergj Luca, i cili pretendon se ai i ka vjedhur telefonin gjatë përplasjes fizike që patën ditën e djeshme në një lokal në periferi të Elbasanit.

Mediat pranë qeverisë publikuan sot dy fragmente të shkurtra nga përplasja mes ish-deputetit dhe biznesmenit, një kur Boçi merr një telefon të rënë në tokë dhe tjetri kur ai e godet biznesmeni me grusht, por pa publikuar videon e plotë për të kuptuar sesi nisi sherri dhe për të kuptuar se çfarë ka ndodhur në të vërtetë.

Në një konferencë për mediat, Boçi deklaron se telefoni ishte i tij dhe se pas përplasjes me Lucën ai vetë ka shkuar direkt në prokurori dhe sipas tij videoja ka dalë nga biznesmeni. Sipas tij, fragmentet e videos janë shpërndarë nga qeveria dhe kjo dëshmon qartë se Lluca nuk flet nga pozitat e biznesmenit por është një zgjatim kriminal i maxhorancës.

Boçi iu bën thirrje organeve të drejtësisë të hetojnë, ndërsa thekson se me biznesmenin Luca do të shihet në gjyq.

“Ngjarja dihet, unë nuk kam ndryshuar version. Mbas sulmit fizik kundër meje, të filluar nga Lluca, unë i kam hypur makinës dhe kam shkuar drejt e në Prokurori për të depozituar kallëzim penal kundër tij dhe sekuestrimin e kamerave. Pasi unë jam larguar Lluca ka kërkuar, ka parë dhe ka marrë videon. Në video shihet një telefon i imi, i cili ka rënë në tokë dhe unë e kam rimarr atë duke ma dhënë njeriu që ishte më afër. Njeriu me të cilin po bisedoja, u ul e mori dhe ma dha. Gjergj Lluca ka prodhuar alibinë qesharake të vjedhjes së telefonit për të mbuluar krimin e tij. Abc News nxori mbrëmë një segment të videos e cila mesa duket ka qenë duke u përpunuar në mediat e qeverisë. Videso së transmetuar i mungon momenti i parë, kryesor, agresioni verbal dhe fizik i Gjergj Lucës kundër deputetit Luciano Boçi. Ky moment është manipuluar të vërtetën dhe të vërtetat e ngjarjes. Fakti që video po shpërndahet nga PS, dëshmon qartë se Lluca nuk flet nga pozitat e biznesmenit por është një zgjatim kriminal i maxhorancës. Është detyrë e prokurorisë të administrojë provat e kësaj vepre penale dhe të denoncuar prej meje si kallëzim penal. Keqpërdorimi i hapur publik i provave të një vepre penale, është dëshmi e arrogancës dhe sigurisë me të cilën sillen kriminelët në këtë vend. Ne do të depozitojmë sot një ankesë në ILD. Ftoj inspektorin e Lartë të Dretësisë Artur Metani, të verifikojë nëse Prokuroria e Elbasanit e ka administruar si provë videon e plotë të ngjarjes, dhe të hetojë për mënyrën e përdorimit publik të këtyre provave. Me zotin Lluca do shihemi në gjyq. Më vjen keq që instiktet e mia të vetëmbrojtjes dhe reagimi im ndaj cënimit fizik prej tij, e befasuan atë. Ai erdhi të më rrah dhe iku i rrahur. Integriteti fizik dhe moral i demokratëve është i pacënueshëm. Me porositësit e Llucës më 25 prill do të flasë vota e shqiptarëve.”, shprehet Luçiano Boçi.