Flash News

Gjykojeni protestën nga kundërshtarët

Aksident në Greqi, ndërron jetë 16-vjeçari shqiptar

Protesta trazon PS-në/ Zegjineja e ‘meme-ve’ sulmon influenceren: Shëmtirë, diote. Balla kapet me Reuters

Vrasja në Paskuqan/ Autori është gjurmuar deri në Bovillë, ka braktisur mjetin

Publikoi tezën e Letërsisë 20 minuta pas nisjes së provimit, përjashtohet maturanti në Kukës

Ditari i Opozitës

PL bën denoncimin: Mbi 1 miliard lekë janë vjedhur nga Ministria për Rininë

Politiko 23 Qershor 2023, 11:58

PL bën denoncimin: Mbi 1 miliard lekë janë vjedhur nga Ministria

Sekretarja për Marrëdhëniet me Publikun në Partinë e Lirisë, Silva Caka ka denoncuar kryeministrin Edi Ramën dhe ministren e rinisë Bora Muzhaqi se kanë vjedhur mbi 1 miliardë lekë në vit nga taksat e shqiptarëve.

Në një deklaratë për mediat, Caka tha se sipas Kontrollit të Lartë të Shtetit, Ministria e Rinisë dhe Fëmijëve nuk ekziston, por në të vërtetë kjo ministri merr nga buxheti i shtetit mbi 1 miliardë lekë buxhet çdo vit.

Deklarata e plotë:

Mbi 1 miliardë lekë në vit nga taksat e shqiptarëve, janë vjedhur nga Edi Rama dhe ministrat e tij vetëm në Ministrinë e Shtetit për Rininë dhe Fëmijët, drejtuar nga Bora Muzhaqi.

Raporti tematik i Kontrollit të Lartë të Shtetit në këtë Ministri, ka konstatuar një fakt shumë të rëndë për taksapaguesit shqiptarë dhe veçanërisht për të ardhmen e të rinjve dhe fëmijëve në Shqipëri.

Sipas Kontrollit të Lartë të Shtetit, Ministria e Rinisë dhe Fëmijëve nuk ekziston, por në të vërtetë kjo ministri merr nga buxheti i shtetit mbi 1 miliardë lekë buxhet çdo vit.

Kjo Ministri u krijua me qëllim që të krijohet një treg dhe punë e mirëpaguar për të rinjtë dhe një fuqi e re në funksion të zhvillimit ekonomik, por realiteti i trishtë i largimit masiv të përditshëm të të rinjve shqiptarë tregon të kundërtën.

Nga auditimi u konstatua se nga Ministria nuk janë ndërmarrë hapa për zhvillimin e kompetencave të rëndësishme për hartimin dhe publikimin e raporteve të vlerësimit mbi situatën e të rinjve, zbatimin e politikave dhe veprimtarive rinore, si dhe nuk janë monitoruar standardet për ndërtimin e hapësirave rinore të sigurta dhe të aksesueshme për të rinjtë.

Ministri i Shtetit për Rininë dhe Fëmijët, në bashkëpunim me institucionet përgjegjëse, nuk ka hartuar, zhvilluar dhe monitoruar politikat, për marrjen e masave për të siguruar jetesën dhe zhvillimin e fëmijës; sigurimin e bashkëpunimit ndërmjet strukturave dhe autoriteteve qendrore e vendore, si dhe organizatave që mbrojnë të drejtat e fëmijës.

Largimi i të rinjve shqiptarë është pasojë e keqqeverisjes, korrupsionit dhe shpërblimit të një rrethi njerëzish, të cilët nuk kanë në fokus të punës së tyre zhvillimin e Shqipërisë.

Qeveria e skandaleve të shumëllojshme, ku mbizotëron korrupsioni dhe skandalet seksuale, vjedh edhe fëmijët e të rinjtë nëpërmjet një Ministrie që shërben vetëm si qokë për Borën dhe shoqet e saj, ndërkohë që Shqipëria fatkeqësisht plaket çdo ditë e më shumë.