Flash News

Gjykojeni protestën nga kundërshtarët

Aksident në Greqi, ndërron jetë 16-vjeçari shqiptar

Protesta trazon PS-në/ Zegjineja e ‘meme-ve’ sulmon influenceren: Shëmtirë, diote. Balla kapet me Reuters

Vrasja në Paskuqan/ Autori është gjurmuar deri në Bovillë, ka braktisur mjetin

Publikoi tezën e Letërsisë 20 minuta pas nisjes së provimit, përjashtohet maturanti në Kukës

Ditari i Opozitës

PL: Shqipëria e fundit në fondet e BE-së për shkencë dhe inovacion! Dështim i qeverisë

Politiko 31 Korrik 2025, 17:35

PL: Shqipëria e fundit në fondet e BE-së për shkencë

Kryetarja e Lëvizjes së Gruas për Integrim në Partinë e Lirisë Myrvete Asqeri ka kritikuar ashpër qeverinë për dështimin në arsimin dhe kërkimin shkencor.

Në një deklaratë për mediat, Asqeri u shpreh se Shqipëria është e fundit në garën për fondet e BE-së për shkencë dhe inovacion, duke theksuar se kjo pasqyron kolapsin e politikave arsimore.

Sipas Asqerit, kjo tregon dështimin e qeverisë, e cila sipas saj ka braktisur dijen dhe ka investuar vetëm në fasada dhe tendera politike, duke lënë arsimin dhe shkencën në nivel shumë të ulët.

Deklarata e plotë:

Lajmi se Shqipëria është e fundit në garë për fondet e Bashkimit Europian për shkencë dhe inovacion është një tjetër dëshmi tronditëse e kolapsit total të politikave arsimore të kësaj qeverie. Ky nuk është një rast i izoluar, por një kapitull i errët në një libër të gjatë dështimesh, ku qeveria Rama ka zgjedhur të braktisë dijen, të përbuzë kërkimin dhe të shkatërrojë të ardhmen.
Arsimi është rrënuar me vetëdije
Shpenzimet për arsimin janë nën 2.4% të Prodhimit të Brendshëm Bruto, më pak se çdo vend tjetër në rajon dhe shumë më poshtë standardeve të BE-së. Universitetet janë të nëpërkëmbura, kërkimi shkencor thuajse inekzistent, dhe mësimdhënia është shndërruar në një betejë për mbijetesë. E gjithë kjo është rezultat i drejtpërdrejtë i neglizhencës kriminale të një qeverie që nuk investon në tru, por në beton.

Shqipëria është jashtë skenës europiane të dijes
Vetëm 3.55 milionë euro janë përfituar nga programi Horizon 2020 për një vend të tërë, një dështim turpërues që tregon se as strukturat publike dhe as institucionet shkencore nuk janë mbështetur për të konkurruar e përfituar fonde. Shqipëria është sot jo vetëm jashtë loje, por edhe jashtë vizionit të së ardhmes.

Kemi një sistem të kapur nga klientelizmi dhe paaftësia.
Shkenca nuk zhvillohet me propagandë, laboratorë të shtrenjtë pa përmbajtje dhe ceremoni false, ajo kërkon vizion, financim dhe meritokraci, ndërsa kjo qeveri investon në fasada, në tendera dhe në emërime politike. Shqipëria nuk mund të ecë përpara me një klasë drejtuese që e sheh arsimin si pengesë, e jo si mundësi.

Partia e Lirisë e ka vendosur arsimin si një nga 5 PRIORITETET MËDHORE në programin e saj, 5 prioritete për 4 milione shqiptarë plus.
Ne besojmë thellësisht se shteti shqiptar nuk mund të shpëtojë pa një revolucion në dije, cilësi dhe profesionalizëm, prandaj me nisjen e legjislaturës së re, Partia e Lirisë do të paraqesë një projektligj për rritjen e financimit për arsimin në minimumin 5% të PBB-së, si një hap real dhe konkret për të kthyer Shqipërinë në rrugën e zhvillimit të qëndrueshëm.

Kjo nuk është vetëm një betejë politike, por një luftë për shpëtimin e së ardhmes sonë.
Partia e Lirisë është e vendosur ta udhëheqë këtë betejë deri në fund.