Flash News

Gjykojeni protestën nga kundërshtarët

Aksident në Greqi, ndërron jetë 16-vjeçari shqiptar

Protesta trazon PS-në/ Zegjineja e ‘meme-ve’ sulmon influenceren: Shëmtirë, diote. Balla kapet me Reuters

Vrasja në Paskuqan/ Autori është gjurmuar deri në Bovillë, ka braktisur mjetin

Publikoi tezën e Letërsisë 20 minuta pas nisjes së provimit, përjashtohet maturanti në Kukës

Ditari i Opozitës

PL: Sistemi i sigurisë ushqimore në vend nuk gjurmon ndotjen e ushqimit

Politiko 7 Qershor 2025, 16:40

PL: Sistemi i sigurisë ushqimore në vend nuk gjurmon ndotjen e

Me ardhjen e stinës së nxehtë dhe rritja e temperaturave,shtohen edhe rreziqet që vijnë nga ushqimi.

Sekretari për Bujqësinë në Partinë e Lirisë, Edmond Panariti u shpreh sot gjatë një deklarate për mediat, se sistem i "Sigurisë Ushqimore" në vend ka dëshmuar se nuk parandalon dhe nuk gjurmon ndotjen e ushqimit, e për rrjedhojë nuk është në gjendje të garantojë sigurinë e kërkuar nga konsumatorët.

Sipas Panaritit, kjo na ekspozon të gjithëve ndaj një rreziku më të madh dhe më të shtuar ndaj ushqimeve të ndotura.

Deklarata:

Afrimi i stinës së nxehtë dhe rritja e temperaturave, do të rrisë rreziqet që vijnë nga ushqimi, veçanërisht nga intensifikimi i ndotjes bakteriale, për arsye sepse krahas kushteve të përshtatshme për rritjen e agjentëve bakteriale në zinxhirin ushqimor, do të kemi edhe një fluks më të shtuar të furnizimit me prodhime ushqimore edhe për shkak të lëvizjes masive të njerëzve në periudhën e verës.
Kjo na ekspozon të gjithëve ndaj një rreziku më të madh dhe më të shtuar ndaj ushqimeve të ndotura.
Të gjitha këto do të përballen nga një sistem i "Sigurisë Ushqimore" në vend, i cili ka dëshmuar se nuk parandalon dhe nuk gjurmon ndotjen e ushqimit, për rrjedhojë nuk është në gjendje të garantojë sigurinë e kërkuar nga konsumatorët.
Rastet e përsëritura të ndotjes të ushqimeve me baktere, me lende kimike, dëshmojnë se sistemi i sigurisë ushqimore në vend nuk arrin të zbulojë, nuk gjurmon dhe nuk parandalon depërtimin e ndotësve kimikë, atyre bakteriale dhe më gjerë në ushqimet tona.
Prodhimet ushqimore të ndotura, qofshin këto me origjinë shtazore si mishi, qumështi, veza, por edhe ato me origjinë bimore siç janë frutat dhe perimet, futen në treg dhe zbulimi i ndotësve ndodh kur ato janë të pranishme në treg dhe një pjesë e tyre ka përfunduar dhe në kuzhinat e konsumatorëve.
Për rrjedhojë bllokimi dhe konfiskimi i tyre është shumë i vështirë dhe thuajse i pamundur.
Këtë provuan edhe rastet e fundit të skandaleve ushqimore, të ndotjes së produkteve ushqimore, siç ishte rasti i mbetjeve bakterologjike me salmonelë te filetot e pulës dhe në produktet e mishit, por edhe i pranisë se insekticideve.
Produktet, për fat të keq, edhe pse kishin një çertefikatë bllokimi për praninë e këtyre ndotësve, arritën të depërtonin në treg dhe për rrjedhojë një pjesë e tyre, pavarësisht se kishin urdhër ndalese, përfunduan në rrjetin e zinxhirit ushqimor.
Prandaj kemi një çedim të rëndë të sistemit të sigurisë ushqimore në atë që është esenciale, që është parandalimi i futjes së ndotësve në zinxhirin ushqimor dhe kjo nuk mund të ndryshojë nëse nuk do kemi guximin, kurajën dhe vendosmërinë për të ndryshuar përqasjen ndaj sistemit të sigurisë ushqimore të vendit, i cili duhet të bazohet në parimin Europian, nga ferma në tavolinë, e cila ka si bazë parandalimin dhe gjurmimin dhe jo thjesht konstatimin, siç ndodh për fat të keq, ku çdo sforco bëhet për identifikimin dhe konstatimin e ndotësve kur ato tashmë janë në treg dhe për rrjedhojë ndalimi i këtyre produkteve është shumë i vështirë.
Çfarë kërkohet?
Në i sugjerojmë Ministrisë së Bujqësisë, Autoritetit Kombëtar të Ushqimit, të ndryshojë totalisht përqasjen ndaj përballjes me problemin e sigurisë ushqimore në vend.
Në radhë të parë duhet ndryshuar një Akt Normativ abuziv, i cili ka hyrë në fuqi mbas vitit 2017, sipas të cilit mundet që kontrolli i ushqimeve të bëhet edhe mbasi produktet të kenë dalë në treg, gjë që në njëfarë mënyre ligjëron edhe depërtimin e ndotësve.
Të rikthehet menjëherë praktika e mëparshme, ku të mos lejohet lëvizja e ushqimit drejt tregut, të mbahet ai në kontejnerë, magazina frigoriferike dhe të dali në treg vetëm kur të jenë kryer në mënyrë të plotë të gjitha analizat e kërkuara sipas ligjit të ushqimit dhe sipas direktivave të Bashkimit Europian.
Vetëm në këtë mënyrë ne do të mundet të kontrollojmë në mënyrë të efektshme dhe të pengojmë futjen e ndotësve në zinxhirin ushqimor.
Nga ana tjetër, të pajisen me kite diagnostike zbuluese të ndotësve të gjitha pikat e grumbullimit, është plotësisht e mundur, këto janë paketa diagnostke të tregëtueshme me kosto të përballueshme dhe me anë të fondeve shtetërore, nëpërmjet subvencioneve të pajisen këto pika me paketa kontrolluese të pranisë së ndotësve në mënyrë që të pengohet depërtimi i ndotësve që në origjinë.
Nëse produkti lëviz në treg është e pamundur që të kontrollohet shpërndarja e produkteve në të gjitha segmentet e tregut.
Prandaj kërkohet dhe një shtim i fondeve të sigurisë ushqimore, këto fonde janë mjerane, të pa pranueshme për sfidën që përballon Shqipëria me një fluks në shtim të produkteve ushqimore që qarkullojnë në treg, qoftë nga importi, qoftë nga prodhimi vendas dhe me shqetësimin në rritje të konsumatorit për pasiguri në ushqimet që ai konsumon.
Prandaj duhet patjetër që gjurmimi, zbulimi të ndodhi atje ku produkti prodhohet, në sera, në satalla dhe në pikat kufitare, pra në momentin që maunat hyjnë në pikat kufitare të mos lejohet zhdoganimi i tyre pa bërë analizat ushqimore.
Dhe meqenëse jemi te parandalimi, kam edhe një çështje tjetër për të ndarë me ju që nuk është më e vogël për nga rëndësia.
Besoj se jeni njohur që kemi një shpërthim epidemik në Veri të Shqipërisë, Murtaja e ripërtypësve të vegjël ka prekur zonën e Veriut të Shqipërisë.
Nuk janë të mjaftueshme vetëm izolimi, eliminimi apo pengimi i lëvizjes së bagëtive në zona të tjera për të parandaluar këtë infeksion i cili është i njohur për shkallën shumë të lartë dhe agresive të përhapjes.
Për këtë arsye ne nbështesim propozimin e Urdhrit Veterinar, që të kryhet shpejt dhe pa ezitim një vaksinim në zonat rrethore ndaj vatrave të infeksionit, në menyre që të krijohen tampone për të penguar që ky infeksion të përhapet në zonat e tjera.
Të kontaktohen menjëherë dhe të njoftohen organet përkatëse të trupave Ndërkombëtare që merren me kontrollet e epizodive, zyra e Epizodise në Paris, Të njoftohet zyra e Faos në Tiranë, ti bëhet një kërkesë zyrës të Bashkimit Europian në Tiranë, që të vihen në dispozicion dozat e vaksinës për të krijuar pikërisht këto breza parandalues dhe pengues të përhapjes të infeksionit.
Dhe ajo që është më kryesore, mbasi të bëhet ky vaksinim preventiv, të vaksinohet e gjithë trupa e bagëtive në Veri të Shqipërisë, vetëm kështu mund të shpëtojmë blegtorinë nga një rrezik asgjësimi për arsye sepse bëhet fjalë për një infeksion me një shkallë të lartë vdekshmërie.
Vetëm me një qëndrim të përgjegjshëm ndaj problemeve të sigurisë ushqimore, të blegtorisë dhe bujqësisë ne Shqipëri do të jemi në gjendje që të ruajmë dhe të mos lejojmë që të kemi dëmtime masive në zinxhirin ushqimor.