Flash News

Gjykojeni protestën nga kundërshtarët

Aksident në Greqi, ndërron jetë 16-vjeçari shqiptar

Protesta trazon PS-në/ Zegjineja e ‘meme-ve’ sulmon influenceren: Shëmtirë, diote. Balla kapet me Reuters

Vrasja në Paskuqan/ Autori është gjurmuar deri në Bovillë, ka braktisur mjetin

Publikoi tezën e Letërsisë 20 minuta pas nisjes së provimit, përjashtohet maturanti në Kukës

Ditari i Opozitës

Plagosja e nxënësit në Delvinë, Zhupa: Dështim konstant i garantimit të sigurisë në shkolla

Politiko 6 Mars 2026, 16:24

Plagosja e nxënësit në Delvinë, Zhupa: Dështim konstant

Deputetja e Partisë Demokratike, Ina Zhupa ka reaguar pas incidentit të rëndë në gjimnazin “Sulejman Delvina” në Delvinë, ku një nxënës u plagos me thikë pas një konflikti me një bashkëmoshatar.

Në reagimin e saj, Zhupa e cilësoi ngjarjen një alarm serioz për mungesën e sigurisë në shkolla, duke theksuar se paralajmërimet për situata problematike janë injoruar dhe se drejtuesit e shkollës mbajnë përgjegjësi për mosmarrjen e masave në kohë.

Ajo kërkoi hetim të plotë të ngjarjes dhe masa konkrete nga institucionet për të garantuar sigurinë e nxënësve, duke theksuar se shkolla duhet të jetë një ambient i sigurt dhe jo një vend ku dhuna përshkallëzohet.

Reagimi i plotë i Ina Zhupës:

Ngjarja e ndodhur në gjimnazin “Sulejman Delvina” në Delvinë është një alarm serioz për gjendjen e sigurisë në shkollat tona. Fakti që një konflikt mes nxënësve ka arritur deri në plagosjen e një nxënësi tregon qartë se mekanizmat e parandalimit dhe të reagimit nuk kanë funksionuar siç duhet.

Më shqetësues është deklarimi publik i nxënësve se situata problematike ishte denoncuar më herët, por nuk janë marrë masa konkrete. Kjo bën me përgjegjësi direkte drejtuesit e gjimnazit, që kanë injoruar situatën dhe nuk kanë ndjekur hapat e duhura. Kur paralajmërimet injorohen dhe sjelljet problematike tolerohen, rreziku vetëm sa rritet. Shkolla duhet të jetë vendi ku nxënësit ndihen të sigurt, jo një hapësirë ku ata kanë frikë se një konflikt mund të përshkallëzohet në dhunë,e plagosje.

Po aq problematike është edhe mungesa e transparencës dhe komunikimit me prindërit nga ana e drejtuesve të shkollës. Në raste të tilla, informimi i menjëhershëm dhe marrja e masave janë thelbësore për të parandaluar përshkallëzimin e situatave.

Protesta e nxënësve të Delvinës është një reagim i kuptueshëm qytetar dhe një thirrje për përgjegjësi. Institucionet arsimore dhe ato të sigurisë duhet ta trajtojnë këtë ngjarje jo si një rast të izoluar, por si një sinjal për të rishikuar seriozisht masat e sigurisë në shkolla, mekanizmat e raportimit dhe mënyrën se si trajtohen konfliktet mes nxënësve.

Të fundit