Plani me fokus ekonominë/ Çfarë u premton Basha qytetarëve, programi i plotë

Lulzim Basha

Partia Demokratike ka prezantuar programin “Shqipëria fiton”. Pikat e planit janë prezantuar nga kryedemokrati Lulzim Basha, i cili tha se nuk do të marrë përsipër premtime që nuk i realizon dot, duke theksuar se angazhimet e prezantuara sot t’i përmbushë.

Aktiviteti nisi me dëshmitë e disa qytetarëve që tregonin situatën e vështirë ekonomike të familjeve të tyre. E para që mori fjalën ishte ish-deputetja Jorida Tabaku, e cila bëri një panoramë të situatës në vend, ndërsa shprehu bindjen se programi i PD do të forcojë ekonomië e Shqipërisë. Ajo bëri me dije se për realizimin e këtij plani është punuar fort për një kohë të gjatë.

Partia Demokratike u angazhua për krijimin e 110 mijë vendeve të reja të punës dhe për rritjen e pagës minimale nga 300 mijë lekë në 360 mijë lekë të vjetra.

Lehtësimi i barrës fiskale për bizneset dhe taksa 9% është një tjetër pikë e programit. Basha tha se do ta heqë taksën Rama mbi karburantin. Ai tha se një litër karburant do të kushtojë 240 lekë më pas, nëse ai fiton në 25 prill.

Programi parashikon rritjen e pensioneve dhe dyfishimin e ndihmes ekonomike për qytetarët. PD premton edhe mbështetje për familjet në nevojë sa i përket arsimimit të fëmijëve të tyre. Kryedemokrati u angazhua të mbulojë shpenzimet në masën 90% për ta.

Sa i përket bujqësisë dhe blegtorisë, plani i demokratëve parashikon financim direkt dhe investim në teknologji. Përpos kësaj, Basha deklaroi se do të ulë çmimin e energjisë elektrike.

Një tjetër pikë është përfitimi i një pagese mujore prej 3 mijë lekësh për çdo të porsalindur deri në pesë vitet e para të jetës si dhe subvencionimi i kredive për strehim.

Ish-deputeti Florian Mima gjatë prezantimit të programit ekonomik të Partisë Demokratike deklaroi se tatimpaguesi do vendoset në piedestal të sistemit, ndërsa shtoi se gjatë 8 viteve u imponuan politika fiskale të korruptuara.

Ndërkohë Drejtori i fushatës në Partinë Demokratike, Alfred Rrushaj tha s programi ka në fokus familjen dhe ekonominë e saj.

Kontakto me Politiko në rast se: Mendoni se nuk shkruajmë Shqip Mendoni se kemi bërë shkelje etike Mendoni se kemi bërë CopyPaste Mendoni se kemi bërë FakeNews Doni të postoni nje Lajm