Pranimi i ankimimit të Alibeajt/ PD paralajmëron padi: Gjykata s’na vë në dispozicion vendimin, ka një qëllim

Partia Demokratike denoncoi veprimet “abuzive” të punonjësit e Gjykatës së Tiranës.

Drejtoresha e Komunikimit në PD, Floriana Garon deklaroi se prej më shumë se 2 javësh, Gjykata e Tiranës nuk i kthen përgjigje dhe nuk vë në dispozicion të Partisë Demokratike vendimin e gjyqtares që pranoi ankimimin e Enkelejd Alibeajt.

Garo theksoi se ky veprim po i mohon PD-së të drejtën për ankimim. Ajo nënvizoi se kjo është e qëllimshme.

Gjithashtu paralajmëroi se nëse vendimi nuk do të jepet as nesëe, PD do të paraqesë kallëzim penal për shpërdorim detyre për këdo që është i përfshirë në këtë “skenar të jashtëligjshëm”, shtoi Garo.

Kjo e fundit tha për mediat nga selia blu se, organet drejtuese të Partisë Demokratike i zgjedhin vetëm demokratët dhe se nuk mun dt’i diktojë askush me “marifete proceduriale”.

“Jam këtu përpara jush për të denoncuar praktikat abuzive të gjykatës së Tiranës, e cila ne vijim të ndërhyrjeve të paligjshme në procesin e konfirmimit të organeve drejtuese legjitime të partisë, vazhdon të bëhet palë në proces, duke favorizuar një fraksion, i cili pasi mbajti peng vulen e demokrateve për muaj me radhe, tani kerkon përsëri t'i bllokojë ata nëpermjet marifetesh proceduriale.

Konkretisht, qe ne daten 26 Prill, Partia Demokratike i ka kerkuar zyrtarisht Gjykates se Tiranes qe t'i komunikojë vendimin e gjyqtares Blerina Muçaj, e cila pranoi ankimin e deputetit Enkelejd Alibeaj kunder vendimit të Partisë Demokratike, me qëllim që të ushtronim të drejtën tonë ligjore të ankimit.

Prej më shumë se 2 javësh, Gjykata e Tiranës nuk kthen përgjigje dhe nuk na vë në dispozicion vendimin, duke u bëre pengesë për ta ankimuar këtë vendim në kundërshtim të plotë me ligjin.

Arsyeja e vetme e kësaj manovre vonese është që dosja e regjistrimit në gjykatë te Kuvendit të 11 Dhjetorit të degdiset në gjykatën e Apelit përpara se Partia Demokratike të ketë mundësine të ankimojë vendimin e gjyqtares Muça.

Partia Demokratike i bën thirrje drejtuesve të Gjykatës Tiranë, përkatësisht kryetarit Flamur Kapllani dhe kancelarit Donald Xhelili që të mos bëhen pjesë e këtij skenari bllokimi të paligjshëm.

Nga ana tjetër, Partia Demokratike paralajmëron se nëse deri në përfundim të orarit zyrtar të ditës së hënë ende nuk do t'i jetë komunikuar zyrtarisht vendimi i gjyqtares Muça, atëherë ajo do të paraqesë kallzim penal për shpërdorim detyre për cilindo personazh të përfshirë në këtë skenar të jashtëligjshëm, pavarësisht pozicionit që mban.

Organet drejtuese legjitime të Partisë Demokratike i zgjedhin dhe përcaktojnë vetëm demokratët me votën e lirë dhe s'mund ti diktojë askush, as me vendime gjykate e as me marifete proceduriale”, tha Garo.