Flash News

Ditari i Opozitës

Prej muajsh mungon ilaçi për të sëmurët me diabet, Vokshi: Përtej skandalit, të merren masa urgjente

Prej muajsh mungon ilaçi për të sëmurët me diabet,

Deputetja demokrate Albana Vokshi ka denoncuar mungesën e disa barnave mjekësore të domosdoshme për pacientët.

Në një postim në Facebook, Vokshi ka ndarë denoncimet që i kanë ardhur nga qytetarë të ndryshëm, ku pohojnë se prej kohësh mungon ilaçi që përdorin të sëmurët me diabet.

Vokshi i bën thirrje ministres së Shëndetësisë, Albana Koçiu, t’i japë zgjidhje të menjëhershme situatës e cila rrezikon pacientët.

Postimi:

Edhe #desmopresina, ilac që përdoret nga të sëmurët me diabet mungon në treg prej shumë muajsh. Në farmaci mungon. Depot farmaceutike, me frikë e nën zë thonë që mbase vjen në fund të prillit…

Cfarë zgjidhje i mbetet pacientit??!!

- ose mbetet pa mjekim,

- ose përfundojnë në treg të zi

Cfarë ndodh kur pacientët nuk marrin ilacet e diabetit?? Diabeti mund të prekë pothuajse çdo pjesë të trupit të njeriut. Prandaj, duhet të menaxhohet në mënyrë të rregullt e të përditshme. Mungesa e ilaceve rrezikon jetën e tyre!

Situata të tilla ushqejnë gjithnjë #kontrabandën!! E askush nuk ka mundësi të kontrollojë #cilësinë.. Por pacientët dhe familjarët e tyre, në emër të shpëtimit të jetës, bëjnë cdo përpjekje për të gjetur ilacet, me cdo kosto!!

Në fakt kjo shkon përtej #skandalit!!! Ky është #krim!!

Kjo situatë kërkon zgjidhje të menjëhershme!! Institucionet shtetërore të marrin masa urgjente për sigurimin e ilaceve!!!

Të fundit