Flash News

Gjendet pas 6 ditësh trupi i pajetë i 29-vjeçarit në Klos

U arrestua pak metra larg SPAK, Prokuroria e Posaçme kërkon17 vite burg për ‘bosin’ e drogës

Starton sot Giro D’Italia, ja akset rrugore që bllokohen në Tiranë nga ora 13:00-18:00

Kush është Papa i ri?

Papa Leo i XIV përshëndet për herë të parë besimtarët në sheshin e Shën Pjetrit

Ditari i Opozitës

"Premtimet boshe të Veliajt", Bardhi: Tirana nuk ka 24 orë ujë, bashkia ka përfituar 10 mln dollarë nga rritja e çmimit

Politiko 23 Mars 2023, 16:30

"Premtimet boshe të Veliajt", Bardhi: Tirana nuk ka 24 orë

Premtimet e dhëna nga kryetari aktual i Bashkisë së Tiranës, Erion Veliaj, dhe njëhërë tjetër kanë mbetur vetëm fjalë.

Zëdhënësja e kandidatit të PD-së për Bashkinë e Tiranës Belind Këlliçit, Silvi Bardhi ka treguar gjatë një deklarate për median se në vitin 2015  kryebashkiaku Erion Veliaj premtoi se nuk do të kishte rritje të çmimit të ujit, por në 2017 ai kërkoi rritjen e çmimit të ujit me qëllim për të shëndoshur Ujësjëllës e Kanalizime.

Ajo akuzoi bashkinë se ka arkëtuar 10 milionë dollarë më shumë nga rritja me 44% e çmimit të ujit dhe sërish kryeqyteti nuk ka 24 orë ujë.

 “Pak ditë më parë kryetari në ikje i Bashkisë Tiranë mbajti një ligjëratë të gjatë për çmimin e ujit në Tiranë. Në vitin 2015 Erion Veliaj premtoi se nuk do të rrisë çmimin e ujit.

Por, në nëntor të vitit 2017 Erion Veliaj i kërkoi Entit Rregullator të Ujit rritjen e çmimit me argumentimin se duhet të shëndoshte Ujësjellës – Kanalizime SH.A. Enti Rregullator i Energjisë miratoi rritjen me 44% të çmimit të ujit si për abonentët familjarë ashtu edhe për bizneset.

Të nderuar qytetarë çmimi i ujit nga 45 lek u bë 65 lek dhe çmimi për biznesin u rrit nga 135 lek në 190 lek. Pra, jo vetëm fatura në shtëpinë tuaj u rrit, por njëkohësisht çmimi i bukës, kafes, çajit, ushqimeve bazë u rritën.

Dhe jo pak, por 44%. Kryetari në ikje premtoi ujë 24 orë. Ku jemi sot? Vetë Enti Rregullator i Ujit, e ka pranuar jo më larg se vjet në raportin e vetë zyrtar se “Ne nuk kemi ujë 24 orë”. Edhe pse Bashkia ka marrë 10 milionë dollarë më shumë çdo vit të ardhura nga rritja e çmimit të ujit, Tirana nuk ka 24 orë ujë. Ku kanë shkuar paratë?Për këtë do të flasim ditët në vijim.”, ka thënë gjatë fjalës së saj Bardhi.

Të fundit