Flash News

Gjendet pas 6 ditësh trupi i pajetë i 29-vjeçarit në Klos

U arrestua pak metra larg SPAK, Prokuroria e Posaçme kërkon17 vite burg për ‘bosin’ e drogës

Starton sot Giro D’Italia, ja akset rrugore që bllokohen në Tiranë nga ora 13:00-18:00

Kush është Papa i ri?

Papa Leo i XIV përshëndet për herë të parë besimtarët në sheshin e Shën Pjetrit

Ditari i Opozitës

Premtimet e Ramës në prag të 14 majit, Bylykbashi: Shkelje brutale e kryeministrit, qëndrimi i KQZ zhbën Kodin Zgjedhor

Politiko 30 Mars 2023, 16:28

Premtimet e Ramës në prag të 14 majit, Bylykbashi: Shkelje

Deputeti i Partisë Demokratike Oerd Bylykbashi ka komentuar premtimet e kryeministrit Edi Rama në prag të zgjedhjeve të 14 majit.

Duke folur për News24, Bylykbashi u shpreh se premtimi i Ramës për rritjen e rrogave është një shkelje flagrante e Kodit Zgjedhor dhe parimeve të OSBE-së për zgjedhje të lira dhe demokratike nga ana e kryeministrit.

“Kjo që flasim është shkelje brutale e kryeministrit. Mjafton edhe një premtim i kryeministrit për tu cilësuar si shkelje. Me sa kuptova unë qëndrimi i KQZ zhbën Kodin Zgjedhor. Kushtetuta shqiptare nuk njeh termin qeveri por qeverisje. Dispozita e kodit është e përgjithshme dhe aplikohet në të gjitha llojet e zgjedhjeve. Nëse do merrnim interpretimin e KQZ-së për zgjedhjet lokale kryebashkiaku i Tiranës apo një bashkie tjetër mund të bëjnë kasaphanë me burimet njerëzore. Pas zgjedhjeve qeveria në detyrë nuk ka të drejtë të abuzojë me pushtetin dhe të shpërndajë përfitime të ndryshme.

Është një veprim i qëllimshëm për të kërcënuar procesin zgjedhor dhe Kodin Zgjedhor. Ndalohet përdorimi i pushtetit për të ndikuar në zgjedhje, është e ndaluar. Kjo gjë mund të bëhet kur e lejon buxheti  i vendit që të bëhet, jo para zgjedhjeve. Nuk kemi pse shtojmë paragrafë për ta bërë të qartë këtë”, tha deputeti demokrat.

Bylykbashi foli edhe për fushatën zgjedhore në kampin e tij teksa tha se ka një vazhdim “të shëmtuar” të sjelljes që “grabiti” logon dhe vulën e PD-së , pasi sipas tij të njëjtët personazhe po përpiqen të ndalojnë koalicionin “Bashkë Fitojmë”.

 

 

 

Të fundit