Flash News

Kush është Papa i ri?

Papa Leo i XIV përshëndet për herë të parë besimtarët në sheshin e Shën Pjetrit

Tym i bardhë nga Vatikani: Është zgjedhur Papa i ri

"Liria funksionon", PD përshëndet qëndrimin e DASH: E drejta vonoi, por u kthye në vend

“Reuters”: Rama kërkon mandatin e katërt në zgjedhjet e dominuara nga korrupsioni dhe bandat kriminale

Ditari i Opozitës

Premtimet e Ramës për integrimin dhe ujin e pijshëm, Lela: Përpjekje për t’i hedhur hi syve elektoratit

Politiko 20 Mars 2025, 10:09

Premtimet e Ramës për integrimin dhe ujin e pijshëm, Lela:

Drejtori i Komunikimit në PD, Alfred Lela, ka komentuar premtimet e kryeministrit Rama për integrimin e Shqipërisë dhe garancinë e ujit të pijshëm për 24 orë.

Për “Kafe Shqeto”, Lela u shpreh se premtimet e Ramës janë provuar të jenë të pavërteta dhe shqiptarët nuk mund t’i besojnë dikujt që i ka zhgënjer vazhdimisht.

"Nuk kishin ndonjë iluzion premtimet e Ramës, edhe në lidhje me Europën apo me ujin e pijshëm 24 orë në Shqipëri, shëndetësinë falas etj. Janë provuar se janë false, kështu që nuk mendoj se gënjeshtra në gojën e një njeriu që gënjen vazhdimisht, nuk është se surprizon njeri kur përgënjeshtrohet.

Është e thjeshtëse përse ai ka dalë në dorë me pasaportë. Para 4 vitesh ishte me tepsi e me dajre, tani ka pasaportë.

Të gjitha këto orkestrat me dajre dhe pa bereqet e kryeministrit që nga 2013, kuptohen lehtësisht pas 12 vitesh, kur premtimet janë të pambajtura, kur nuk ke program e platformë, ti do dalësh të flasësh për të ardhmen, që janë shumë larg dhe për të cilat ti nuk ke asnjë garanci si person, por e di që edhe populli dhe elektorati i audiencës nuk ka ndonjë garanci.

Mungesa e programit është lehtësisht e lexueshme, mungesa e ofertës të 12 viteve e bëjnë Ramën të ketë një ofertë në fantashkencë. Ndërkohë që një kryeministër i cili ka qeverisur 12 vite duhet t’i kishte duar plot për t’u thënë shqiptarëve se këto janë gjërat që unë kam bërë.

Unë dje po shihja një video për ujin e pijshëm, se si e ka premtuar se si Shqipëria e shqiptarët do kenë ujin e pijshëm 24 orë, dhe e ka premtuar në 2013/2017/2021 dhe e premton sërish në 2025.

Kështu që shqiptarët e dinë kur ka ujë, kush ka ujë e kush nuk ka dhe e njëjta gjë vlen edhe për pasaportën.

Shqipëria, meqë jemi këtu te lëvizja e lirë, shqiptarët e kanë pasaportën e tyre, lëvizin sot lirshëm në BE, pra e kanë këtë pasaportë dhe nuk e kanë prej Ramës, kështu që edhe këtë ofertë e ka gënjeshtër ende pa filluar.

Shqiptarët lëvizin të lirë, por jo prej qeverisë së tij, shkurt, kjo nuk duhet parë më shumë as më pak se gënjeshtra e radhës e tij, përpjekja për t’i hedhur hi syve elektoratit për të fshehur të pabërat me një fantashkencë që ju refuzua”, deklaroi Lela.

Të fundit