Flash News

Aksident i rëndë në Thumanë, një i vdekur, 3 të plagosur

Gjykata e Durrësit pezullon nga detyra drejtorin e Arsimit Parauniversitar

Dyshohet se abuzoi se*sualisht me vajzën e tij, mbërrin në gjykatë Zamir Meta

Durrës/ Morën me forcë në automjet një 48-vjeçar dhe e dhunuan, identifikohen 4 autorët

Vazhdon zjarri në landfillin e Elbasanit

Ditari i Opozitës

Premtimi i Bashës nga Kombinati: Ekspertët më të mirë do menaxhojnë fondet e BE për rindërtimin

Politiko 4 Mars 2021, 10:13

Premtimi i Bashës nga Kombinati: Ekspertët më të mirë

Kryetari i Partisë Demokratike, Lulzim Basha, këtë të enjte në kuadër të takimeve të tij me qytetarët, është takuar me banorët dhe bizneset në Kombinat.

Gjatë bashkëbisedimit me qytetarët, Basha u ndal tek procesi i rindërtimit nga tërmeti, ku i premtoi qytetarëve, se do jenë ekspertët ata që do menaxhojnë fondet e BE, dhe se pronat e tyre do t’i marrin aty ku i kanë pasur.

Gjithashtu ai ka akuzuar qeverinë, duke thënë se po e përdor rindërtimin për të vjedhur.

“Rindërtimin e kanë parë si një mundësi për të vjedhur. Një grup njerëzish jetojnë si sheik bashkë me Ramën dhe me oligarkët e tij, ndërsa shqiptarët vuajnë. Jemi bashkuar nga e majta në të djathtë në koalicion, por fakt është bashkimi i të gjithë shqiptarëve ndaj dallaverexhinjve që tërmetin dhe pandeminë e përdorën për të vjedhë. U premtoj se qeverisja e ardhshme do të ketë ekspertët e duhur për t’i dhënë fund qeverisjes së deri më tanishme. Ekspertët më të mirë do të menaxhojnë dhe fondet e BE.

Rama riktheu në kabinet një hajdut me çizme dhe e bëri ministër rindërtimi. Më 25 prill ju do bëheni bashkë që këtë plan ta bëjmë realitet, për t'ju nxjerrë nga ky mjerim ku jeni futur për 8 vjet. Me 25 prill ju do të bëni të mundur që të dalim nga ky mjerim, dhe këtë e keni ju në dorë me votën, për t'i dhënë fund kësaj qeverie dhe këtij kryeministri për të hapur një rrugë të re. Me 25 prill ju keni mundësi që të jepni fitoren tyre gjithëve. E dini 8 vite me rradhë sa keq ka qenë Shqipëria. Nuk premtoj mrekulli, Shqipërisë i duhet një qeveri normale”, tha Basha.

Të fundit