Prezantimi i programit për pronat/ Basha premton shfuqizimin e ligjit aktual dhe kërkon ndjesë për gabimet e PD

Partia Demokratike ka prezantuar ditën e sotme programin e saj për pronat.

Kreu i demokratëve, Lulzim Basha në një bashkëbisedim me qytetarët, kërkoi ndjesë në emër të PD-së për problemet me pronat, dhe tha se ardhjen në pushtet do të shfuqizojë ligjin për pronat për të hartuar një tjetër me themele të shëndosha.

Ndër të tjera, Basha u zotua se pas 25 prillit do të nisë nga puna me angazhime konkrete.

“Kjo qeveri po i trajton pronarët e tokave si qytetarë të rangut të dytë njësoj si gjatë diktaturës komuniste, dhe këtë po e bën për arsye korruptive për të vazhduar zaptimin e pronave nga bregdeti në zonat urbane dhe për të vazhduar sundimin e një grushti njerëzish oligarkë në kurriz të të gjithë qytetarëve pa dallime politike. Ndaj qëndrimi ynë ka qenë i qartë, unë kam thënë publikisht, ju lutem pronarë të Shqipërisë pranoni ndjesën e PD për problemet më të cilat jeni hasur edhe për shkak të përgjegjësive tona të munguara. Edhe sikur disa prej gabimeve të mos kishin ndodhur gjatë qeverisjes tonë, kjo do të ishte një ndjesë e merituar sepse ne ju kemi dalë dhe do ju dalim zot pronarëve dhe të përndjekurve politikë.

Pas 25 prillit do korrigjojmë dhe zgjidhim problemet gjatë këtyre 8 viteve, jam i vetëdijshëm se koha që ka rrjedhur nuk i ka shëruar plagët, por i ka bërë më komplekse. Unë ju siguroj sot ju se pas 25 prillit, qeveria e zgjedhur me votën tuaj do të ketë vullnetin që ndjesët për problemet e pazgjidhura ta kthejë në angazhime konkrete dhe plan që do të nisë nga zotimi menjëherë. Ne e konsiderojmë ligjin e qeverisë Rama një shpronësim të dytë anti-kushtetues, anti-ligjor. Dhe jemi zotuar që ditën e parë të kalimit të atij ligji se do ta shfuqizojmë atë”, tha Basha.

Kontakto me Politiko në rast se: Mendoni se nuk shkruajmë Shqip Mendoni se kemi bërë shkelje etike Mendoni se kemi bërë CopyPaste Mendoni se kemi bërë FakeNews Doni të postoni nje Lajm