Flash News

Gjykojeni protestën nga kundërshtarët

Aksident në Greqi, ndërron jetë 16-vjeçari shqiptar

Protesta trazon PS-në/ Zegjineja e ‘meme-ve’ sulmon influenceren: Shëmtirë, diote. Balla kapet me Reuters

Vrasja në Paskuqan/ Autori është gjurmuar deri në Bovillë, ka braktisur mjetin

Publikoi tezën e Letërsisë 20 minuta pas nisjes së provimit, përjashtohet maturanti në Kukës

Ditari i Opozitës

"Proces fiktiv!" Basha i rikthehet debatit për zgjedhjet në universitete, premtim studentëve: Ne do t'i lëmë institucionet e arsimit të lartë të pavarura!

Politiko 2 Nëntor 2020, 15:06

"Proces fiktiv!" Basha i rikthehet debatit për zgjedhjet në

Në foto: kryedemokrati Basha në takim me studentët në Qytet Studenti

Zgjedhjet në universitete për rektorët, senatet akademike dhe përgjegjësit e departamenteve, të zhvilluara në fund të korrikut, krijuan jo pak polemika rreth ligjshmërisë së tyre, pasi mbaheshin në perjudhë pandemie dhe shumica e studentëve nuk ndodheshin në auditore.

Ndërsa i rikthehet edhe njëherë kësaj çështje, Basha e quan procesin fiktiv. Po ashtu, gjatë takimit me studentët, kryedemokrati premtoi se kur të vijë ai në pushtet universitetet do të jenë të pavarura.

"Zgjedhjet në Universitete një proçes fiktiv. Ne nuk i kemi njohur zgjedhjet e 30 korrikut. Është një proces fiktiv dhe kjo nuk është hera e parë që ata bëjnë procese fiktive.

Ne do të investojmë gjysmën e fondit të paketës për universitetin për të paguar stazhin e 10 mijë studentëve çdo vit. Ne do t'i lëmë universitetet të vetëqeverisen në mënyrë autonome. Do të kenë pavarësinë e tyre", tha Basha.

Më tej, kreu i Partisë Demokratike e vlerësoi jo-cilësore metoden e mësimdhënies gjatë 8 viteve të fundit, me persona të futur në botën e arsimit për shkak të lidhjeve politike.

Nga Qytet Studenti, ai u bëri premtimin e madh studentëve se kjo ka për të ndryshuar në të ardhmen. Basha tha se, me ardhjen në pushtet, qeveria e tij do të mundësojë stazhe të paguara për 10 mijë studentë.

"Rënia në pikiadë e cilësisë së mësimdhënies për shkak të metodës anti cilësore. Ka larguar mësues të aftë nga puna dhe kanë vënë njerëz që s’kanë lidhje me mësimin. Ai tetë vjet këtë punë ka bërë mendoni që do ndryshojë 8 vitet e ardhshme? Ndaj them duhet larguar e keqja. Me ne do të ketë një ndryshim të thellë dhe të shpejtë. Ju përmenda çështjen e tarifave që në 2008 ka qënë një nga problematikat kryesore. Ne do të investojmë që studentët shqiptarë të kenë mundësi të bëjnë praktikë.

Gjysma e fondit të paketës për universitetin shkon për të paguar stazhin e 10 mijë studentëve çdo vit. Do paguhet nga shteti që nga viti ynë i parë në pushtet. Ata do marrin 30 mijë lekë në muaj para se të shkojnë tek praktika e punës. Që ditën e parë në pushtet, PD dhe qeveria e re do mundësojnë që zëri juaj dhe i pedagogëve të dëgjohet. Qeverisjen ne do t’ia lëmë vetë universiteteve, do kenë autonomi. Ju e pedagogët do i vendosni vetë rregullat”, tha Basha.