Flash News

Gjykojeni protestën nga kundërshtarët

Aksident në Greqi, ndërron jetë 16-vjeçari shqiptar

Protesta trazon PS-në/ Zegjineja e ‘meme-ve’ sulmon influenceren: Shëmtirë, diote. Balla kapet me Reuters

Vrasja në Paskuqan/ Autori është gjurmuar deri në Bovillë, ka braktisur mjetin

Publikoi tezën e Letërsisë 20 minuta pas nisjes së provimit, përjashtohet maturanti në Kukës

Ditari i Opozitës

"Procesi ndaj Berishës lojë politike"/ Kalaja: Irena Gjoka manipuloi drejtësinë për të mbrojtur krimin!

Politiko 3 Korrik 2025, 18:41

"Procesi ndaj Berishës lojë politike"/ Kalaja: Irena Gjoka

Avokatja Adriana Kalaja, ka komentuar ditën e sotme procesin ndaj kreut të PD-së, Sali Berisha ndërsa ka dhënë të tjera detaje mbi aktivitetin e gjyqtares Irena Gjoka.

E ftuar në SYRI TV, Kalaja shprehet se dosja e Irenës me tre mbiemra, përbën një rast unik në procesin e vetingut, ku politika ka luajtur rol kyç në vendimet e KPA-së dhe KPK-së.

Kalaja tregon edhe për manipulimet në menaxhimin e dosjeve të opozitës dhe dosjeve të mëdha kriminale si inceneratorët dhe grupi Troplini, ku vonesat dhe veprimet e dyshimta të Gjokës kanë favorizuar grupe kriminale dhe kanë dështuar në dhënien e drejtësisë.

Adriana Kalaja: Duhet të kthehemi pas në kohë. Mirë është që ti bëjmë të gjitha ato detajet në vendin e duhur, sepse asgjë nuk ka filluar me procesin ndaj zotit Berisha. Zoti Berisha ishte planifikuar të shkonte në atë drejtim nga pushteti, sepse e gjithë kjo vepër korruptive dhe penale që lidhet me emrin e Irena Gjokës, nis që në vendimin e KPA, që ka lënë në fuqi vendimin e KPK, për kalimin e Irenës me 3 mbiemra në procesin e rivlerësimit.

Çfarë do të thonë këto? Është rasti më unik në të gjithë këtë procedurën e vetingut që njihet edhe i gjithë publiku sot sepse prisnim një reformë në drejtësi dhe koha në fakt na dha të drejtë për rezultatet e reformës. Komisionari Publik bën një ankim të detajuar. Nxjerr të gjitha problematikat që kishte në lidhje me pasurisë, me deklarimet dhe mosdeklarimet e Irena me 3 mbiemra. Në fakt një ankimim nga më të mirët në këndvështrimin tim dhe një ditë përpara se të merrej vendimi në KPA, me urdhër politik tërhiqet animimi. Duke detyruar KPA-në të lërë në fuqi vendimin e shkallës së parë.

Por prit, se nuk mbaron këtu. Prandaj thash do ti shikojmë me detaje, në mënyrë kronologjike. Të nesërmen e konfirmimit në detyrë, Irena me 3 mbiemra zgjidhet kryetare e Gjykatës së Shkallës së Parë. Ndërkohë që administronte dhe shortin. Ndërsa shorti nuk ishte elektronik në kohën e Irenës, por ishte manual. Dhe gjatë gjithë periudhës që kjo ishte drejtuese e gjykatës së Shkallës së parë, çuditërisht qëllonte që kur ishte e gatshme Irena me 3 mbiemra shkonin gjithmonë dosjet e opozitës. Ndërkohë për dosjet e tjera që do ju përmend inceneratorin që është dosja e qershorit 2024 që nuk u arrestua asnjë nga fletë arrestet që lëshoi Irena me 3 mbiemra pasi e mbajti 40 ditë në zyrë, kemi dhe dosjen e fundit të grupit Troplini ku e mbajti 42 ditë në sirtar dhe e dha një periudhë shumë të shkurtër afër zgjedhjeve, për ti dhënë mundësi dhe Dumanit që ta amnistonte edhe më shumë këtë grup kriminal.