Programi i PD, Noka: Ne ofrojmë një diferencë të madhe mes të shkuarës dhe të ardhmes

Sekretari i Përgjithshëm i Partisë Demokratike, Flamur Noka gjatë fjalës së mbajtur në ceremoninë e shpalljes së programit të PD-së, theksoi gjatë fjalës së tij se, dy ditët e fundit janë një moment historik, duke theksuar se ato shënojnë një hap të rëndësishëm drejt fitores së pritur për shumë vite. Entuziazmi dhe energjia e madhështuar e pjesëmarrësve janë një preludë i rikthimit të shpresës dhe besimit tek fitorja, si dhe i rikthimit në pushtet të PD-së dhe liderit të saj, u shpreh Noka.

Gjatë fjalës së tij, Noka vlerësoi sakrificat dhe përpjekjet e demokratëve, duke theksuar se pas një periudhe të vështirë dhe përpjekjeve të jashtëzakonshme, Partia Demokratike dhe Sali Berisha kanë dalë më të fortë dhe më të bashkuar.

Sekretari i Përgjithshëm i PD, Flamur Noka gjithashtu theksoi se përmes një programi të qartë dhe angazhimit të PD-së, shqiptarët do të kenë mundësinë të shpëtojnë vendin nga dështimi i qeverisë së Edi Ramës.

Pjesë nga fjala e sekretarit të Përgjithshëm të PD, Flamur Noka:

Këto dy ditë, dje dhe sot, për ne për demokratët, për Sali Berishën, janë një statim madhështor drejt suksesit të pritur prej shumë vitesh. Drejt fitores së padiskutueshme. Këto dy ditë, me pjesëmarrjen e entuziazmin madhështon, me energjinë fantastike që u përcoll  dhe po u përcillet çdo shqiptari, janë preludi i rikthimit të shpresës, i rikthimit të besimit tek fitorja dhe i rikthimit në pushtet të Sali Berishës dhe Partisë Demokratike.

Këto dy ditë tregojnë se një forcë politike si kjo e jona, një lider si Sali Berisha, kanë kaluar mbi çdo sfidë dhe janë treguar të pathyeshëm. Këto ditë kanë treguar se një lider dhe një forcë politike si Sali Berisha dhe PD, u ngritën atëherë kur të gjithë menduan se i asgjësuan.

Atëherë kur mbi ta u derdh mllef dhe vrer pafund, për ti asgjësuar. Pra, ku startim drejt fitores për ne është kurorëzim i sakrificave, i përpjekjeve, i luftës, i punës dhe mundit që ju anëtarë të këtij Kuvendi Kombëtar dhe demokratë fisnikë kudo që ndodhen në Shqipëri bënë për të mos u nënshtruar, për të mos u dorëzuar, për të fituar për të ngadhënjyer.

Kalvarin që PD dhe Sali Berisha e kaluan këto vite, nuk e ka kaluar askush. Dhe ja ku janë sot, jo vetëm si forcë politike e bashkuar dhe energjike, por vijmë sot me një program dhe angazhim që sjell zgjidhje për qytetarët. Një program që ka në qendër hallet dhe problemet e shqiptarëve.

Katër vite më parë, askush nuk mendonte se do vinte një ditë si kjo e sotmja që përpara qytetarëve, një ofertë me të vetmen ofertë. Me një program si i vetmi program, për të shpëtuar vendin nga kolapsi i shkaktuar nga qeverisja e dështuar e Edi Ramës.

E kush e mendonte para ca ditësh se Sali Berisha do tia dilte atëherë kur ata menduan se e asgjësuan. Kur ndaj tij u vërsulën me një komplot mafioz, ku morën pjesë Xhorxh Soros, kukulla e tij Edi Rama, McGonigal, Blinken, Kimetja e shumë të tjerë si puna e këtyre.

Askush nuk mendonte se do tia dilte, Sali berisha dhe Partia Demokratike. Se do të vinte, ai për të mbjellë shpresën tek shqiptarët. Se do të ishte ai e vetmja alternativë e besueshme dhe e dashur për shqiptarët. Ja pra, që ia doli. Ia doli Sali Berisha, ia dolëm ne, demokratët që e mbështetëm, vrapuam, punuam dhe nuk reshtëm së vlerësuari tek aid he forca jonë politike.

Ndaj mbrëmë dhe sot, shqiptarët ishin dëshmitarë të mëdhenj të një ndryshimi që po ndodh para syve të këtyre. Ata panë sesi Sali berisha dhe PD iu ofrojnë një të ardhme të sigurt dhe të begatë shqiptarëve. Ata panë mbrëmë një diferencë të madhe mes të shkuarës dhe të ardhmes.