Flash News

Aksidentoi për vdekje këmbësorin në rrugën “Milot-Laç” dhe u largua, kapet 18-vjeçari

Bardhi i kërkoi interpelancë 100 milionët e Becchetit, Rama i flet për dosjen ‘Xibraka’ të Olsi Ramës

PS bën teatër në Kuvend, braktis sallën pas fjalës së Zhupës

Po kotecet e pulave dhe kasollet e lopëve, do t'i falë mazhoranca?

“Pse më sheh!”/ Dhunohet me sende të forta 19-vjeçari në Sarandë

Ditari i Opozitës

Projekti i zgjerimit të rrugës Tiranë-Durrës, Muçollari: 4.2 milionë euro shpërdorim për pisha dhe palma

Politiko 12 Tetor 2024, 15:13

Projekti i zgjerimit të rrugës Tiranë-Durrës,

Anëtari i Kryesisë së PD, Grigels Muçollari në një deklaratë për mediat, foli për punimet për zgjerimin e rrugës Tiranë-Durrës. 

Muçollari u shpreh se të gjitha pishat janë blerë nga Erjon Veliaj, me 3.3 milionë euro, ndërkohë që më parë, kishin shkuar dëm, ishin shperdoruar me të njëjtën shkujdesje dhe nën të njëjtën skemë korrupsioni 900 mijë euro me palmat, të cilat u thanë, për shkak të klimës.

"Kjo është njëra prej x pishave që janë shkulur pasi do të bëhet zgjerimi i rrugës, Tiranë-Durrës. Vetëm një e tillë u ka kushtuar taksapaguesve të Tiranës, 6mijë e 800 euro.

Të gjitha pishat bashkë, janë blerë nga Erjon Veliaj, me 3.3 milionë euro. Ndërkohë që më parë, kishin shkuar dëm, ishin shperdoruar me të njëjtën shkujdesje dhe nën të njëjtën skemë korrupsioni 900 mijë euro me palmat, të cilat u thanë, për shkak të klimës.

4.2 milionë euro dëm, të shpërdoruara nga buxheti, të konstatuara edhe nga raportet e KLSH.

E gjitha kjo, ka ndodhur, edhe pse kishte një projekt që në vitin 2014, të miratuar nga Drejtoria e Rrugëve, për ta bërë këtë zgjerim.
Erjon Veliaj e dinte se këto punime do të bëheshin, dhe paratë do të shkonin dëm. E sërish, bleu një pishë me 6 mijë e 800 euro. Ai ka përgjegjësi për këtë abuzim.

Kemi mësuar se Ministria e Drejtësisë ka paguar 360 milionë lekë, nga taksat e shqiptarëve, për konsulencë të huaj për të luftuar korrupsionin.

Ja ku e kanë një rast në mes të ditës, në sy të të gjithëve.

Kur do të nisë Spaku hetimin për këtë krim financiar?

Kur do të reagojnë kolegët e Erjon Veliajt në drejtësinë e re, të cilët paguhen nga shqiptarët për të bërë pikërisht këtë punë, për të vënë para ligjit shpërdoruesit e fondeve publike?

Ndaj njerëzit duhet të reagojnë, duhet të ngrenë zerin. Këto janë pasuri të qytetarëve, janë taksat e tyre", deklaroi Muçollari.

Të fundit