Flash News
Shoferja humb kontrollin në aksin Devoll-Miras, dy të plagosur
SPAK sekuestron pasuritë e dy ortakëve të Evis Berberit
Goro në burg, Blerina Balaj komandohet kryetare e Bashkisë Himarë
Video/ Tensione në mbledhjen e Këshillit Bashkiak të Himarës, qytetari pështyn në fytyrë Vangjel Tavon
Olsi, ashtu si Edi, qenka burrë p….
"Projekti 1.2 mld euro Milot-Fier, i destinuar të dështojë", denoncon PD: 17.4 euro për një udhëtim vajtje-ardhje; nuk do e njohim
"Në projektin 1.2 mld euro Milot-Fier, gjithçka vjen era korrupsion dhe vjedhje!", Alibeaj: Ofruesi i vetëm kompania greke Terna
Partia Demokratike vijon akuzat ndaj qeverisë për projektin 115 kilometra të Milot-Fier, si pjesë e së ashtuquajturës “Korridori Adriatiko-Jonian”. Sipas PD-së projekti, me ofrues vetëm kompaninë greke Terna, është një farsë.
Ish-deputeti Enkelejd Alibeaj deklaron se me kushtet e vendosura, ky projekt do të jetë masakër financiare për qytetarët, pasi çdo automjet që kërkon të kalojë në këtë rrugë, do të paguaj një kosto të paktën 17.4 euro për një udhëtim vajtje-ardhje.
Ndërkohë që më shumë se gjysma e rrugës është e ndërtuar me para publike.
Alibeaj thekson se me ardhjen në pushtet, PD dhe opozita nuk do të njohin asnjë vendim të marrë nga qeveria ‘Rama 2’ 12 muaj para zgjedhjeve, ka konfirmuar nëse është i ligjshëm.
“Në rastin e Milot-Fier gjithçka vjen era korrupsion dhe vjedhje!”, përfundon ish-deputeti.
Deklarata e plotë e Alibeajt:
Në zyrat e qeverisë shqiptare këto ditë po përgatitet farsa e një tjetër koncesioni, i destinuar të dështojë. Rruga Milot-Fier, me çmimin stratosferik 1.2 miliard euro, ka vetëm një ofertues dhe kjo është është kompania greke Terna.
Ka shkuar pikë për pikë siç e kemi parashikuar ne, që në shkurt, akoma pa u hapur tenderi farsë. Belinda Balluku nuk iu përgjigj atëherë pyetjes se çfarë e lidh me kompaninë greke.
As sot nuk është në gjendje të shpjegojë pse vetëm kompania greke mori pjesë në tenderin që ajo dhe Edi Rama e shpallën me bujë të madhe disa javë më parë.
Me kushtet e vendosura nga qeveria në ikje, koncesioni është një masakër financiare për qytetarët. Qeveria në ikje kërkon që çdo automjet që kalon në këtë rrugë, të paguajë të paktën 17.4 euro për një udhëtim vajtje-ardhje.
Kjo është vjedhja më e madhe e qeverisë në ikje, e planifikuar në kulmin e pandemisë.
Kur shqiptarët ishin të tmerruar nga karantina, nga virusi i panjohur, kur mbi 100 mijë prej tyre humbën vendet e punës dhe bizneset falimentuan apo u dobësuan, Edi Rama dhe Belinda Balluku planifikuan t’i vjedhin edhe më shumë. Kostot e rrugës janë shumëfishuar për të rritur çmimin e kalimit të udhëtarëve.
17.4 euro për një udhëtim në një rrugë ku më shumë se gjysma është e ndërtuar me para publike, do të thotë vetëm nxitim për mbyllje pazari.
Ky projekt korruptiv, që rëndon akoma më shumë xhepat e shqiptarëve nuk ka për të sukses! Është një aferë që ka për të dështuar. Partia Demokratike i ka bërë thirrje çdo kompanie të tërhiqet nga ky projekt që vjedh qytetarët në ortakëri me Edi Ramën.
Ne e kemi bërë të qartë për çdokënd: Nuk do të njohim asnjë vendim të marrë nga kjo qeveri 12 muaj para zgjedhjeve, pa iu nënshtruar më parë ligjshmërisë së vendimit. Në rastin e Milot-Fier gjithçka vjen era korrupsion dhe vjedhje!