Propozimet e Bashës për reformimin e PD, Ristani: Duhen mekanizma që garantojnë dhënien e llogarisë, jo thjesht ndryshime organizative

Anëtari i Kryesisë së PD-së, Arben Ristani ka reaguar pas prorpozimit të kryedemokratit Lulzim Basha për 11 ndryshimet në statutin e PD-së që do të shqyrtohen në mbledhjen e Kuvendit Kombëtar më 17 Korrik.

Ristani shprehet se PD-së i vlen më shumë gjetja e mekanizmave që bëjnë të zbatueshëm statutin, mekanizma që garantojnë dhënien e llogarisë dhe mbajtjen e përgjegjësisë, sesa thjesht ndryshime organizative statutore. Sipas tij, këto të fundit janë bërë me shumicë në kohë dhe sasi.

Në lidhje me propozimin e Bashës: "Te rikonceptohet mënyra e funksionimit të Këshillit Kombëtar, duke parashikuar që anëtaret e zgjedhur të Këshillit Kombëtar të organizohen në Departamente te Keshillit Kombëtar, që funksionojnë si strukture këshillimore e Kryesisë dhe kryetarit të PDSH-se, për çeshtje tematike", Ristani shprehet se kjo është autokraci, pasi sipas tij, do të thotë të sanksionosh fundin e demokracisë në parti dhe të ligjërosh sundimin e individit në parti.

Ristani iu bën thirrje demokratëve që ta ndalojnë zhbërjen e demokracisë në Partinë Demokratike dhe se ta forcojnë atë, ta bëjnë më funksionale, më të prekshme, më të dukshme, brenda partisë, por edhe për shoqërinë.

Reagimi i plotë:

Problemi me i madh dhe me i rendesishem i shoqerise dhe shtetit tek ne, nuk ka qene asnjehere mungesa e ligjit, e rregullit, apo ligji dhe rregulli i hartuar keq.
Problemi qendron tek moszbatimi i ligjit.
Problemi qendron tek injorimi i ligjit.
Problemi qendron tek arroganca e atyre qe per shkak te mos ndeshkimit per shkeljet, per shkak te mundesise per t,ju shmangur pergjegjesise, dhenies se llogarise, jane kthyer ne autokrat mesjetar, nen devizen "ligji jam une".

PD po pergatitet per mbledhjen e kuvendit kombetar te saj, pas pak ditesh.

Pritet te diskutohen ndryshime te mundeshme statutore.

Ky kuvend mblidhet kur PD, per here te pare ne historine e saj, gjendet per here te trete ne opozite.

Ajo qe deshirojne dhe presin demokratet dhe gjithe shqiptaret, eshte gjetja e rrugeve, organizimit, metodave, ideve, me demokratike, me perbashkuese, me motivuese, per te cuar PD ne pushtet, per te miren e vendit.

Kam bindjen qe PD-se dhe shoqerise ne teresi, i vlen me shume gjetja e mekanizmave qe bejne te zbatueshem statutin, mekanizma qe garantojne dhenien e llogarise dhe mbajtjen e pergjegjesise, sesa thjesht ndryshime organizative statutore. Keto te fundit jane bere me shumice ne kohe dhe sasi.

Pergatitjet per ndryshimet statutore qe do parashtrohen ne kuvendin e pas disa diteve, kam mendimin, qe nuk po shkojne ne kete drejtim.
Jo vetem qe nuk ka asnje perpjekje per te gjetur mekanizmat qe bejne te zbatueshem statutin, por ne te kundert, shoh perpjekje per te zhbere demokracine, per te degjeneruar organet kolegjale vendimmarrese dhe per ti kthyer ato nga organet me te larta vendimmarese, ne organe keshillimore te te organit monokratik, kryetarit te partise.

Konkretisht, Kryetari i partise propozon kete ndryshim ne statut:

"Te rikonceptohet mënyra e funksionimit të Këshillit Kombëtar, duke parashikuar që anëtaret e zgjedhur të Këshillit Kombëtar të organizohen në Departamente te Keshillit Kombëtar, që funksionojnë si strukture këshillimore e Kryesisë dhe kryetarit të PDSH-se, për çeshtje tematike"

Pra Keshilli Kombetar i PD, nga organi me i larte vendimmares i partise, ne periudhen midis dy kongreseve, kerkohet te kthehet ne organ keshillimor i kryetarit te partise.

Kjo do te thote te sanksionosh fundin e demokracise ne parti.
Kjo do te thote te ligjerosh sundimin e individit ne parti.
Kjo eshte autokraci.

Minimalisht ne keto ndryshime qe priten te statutit, te futet nje parashikim qe i ndalon kryetari te garoje per kryetar, pasi humb per here te trete, apo te katert, apo te peste, po te duan.

Ne demokratet duhet ta ndalojme zhberjen e demokracise ne partine tone.
Ne te kundert, duhet ta forcojme ate, ta bejme me funksionale, me te prekshme, me te dukshme, brenda partise, por edhe per shoqerine.

Kjo eshte rruga e vetme qe shqiptaret te na besojne si alternative qeverisese.