Protesta/ Balliu thirrje policisë: Kthehuni me fytyrë nga bashkia dhe suluni hajdutëve

Teksa të martën (6 maj) u zhvillua protesta e 6 para Bashkisë,  shefi i organizimit në Partinë Demokratike, Klevis Balliu është shprehur se protestat do të vijojnë.

I pyetur nga gazetarja e "Fax News", Neta Fero, nëse pas arrestimeve të zyrtarëve dhe ish-zyrtarëve në bashki, po ashtu dhe arrestime të mëparshme të kryebashkiakëve, a mund të ketë krisje ose kurban në Partinë Socialiste, Balliu i është përgjigjur duke thënë se në çdo organizatë mafioze ata vrasin njëri-tjetrin dhe Partia Socialiste nuk bën diferencë në këtë aspekt.

Balliu është ndalur dhe tek policët, të cilët në disa momente gjatë protestës nuk janë ndjerë mirë. Shefi i organizimit në Partinë Demokratike, u ka bërë thirrje policisë që të kthehet me kurriz nga qytetarët dhe më fytyrë nga bashkia, duke u sulur hajdutëve që po vjedhin qytetarët por dhe ata.

Pjesë nga intervista

Gazetarja Fero:

Doja ta nisja këtë intervistë me protestën e opozitës dhe aleancës për mbrojtjen e teatrit, para bashkisë së Tiranës.

A mendoni se protestat janë zgjidhje? Kemi pare shumë protesta nga PD ,kombëtare por edhe ne kryeqytet mirëpo janë shuar dhe pa rezultat, gjithmonë referuat deklaratës tuaj për përmbysje regjimi?

Shefi i organizimit në PD, Balliu:

Dalja në protestë nuk është një çështje po funksionon a jo. Protesta në një moment kur e gjithë bashkia kapet në vjedhje se bashku me kryetarin Erion Veliaj, është detyrim për cilindo që të dalë.

Kur i futesh një beteje nuk i futesh duke thënë që po e  bëjë ketë se do fitojmë. Ne i hymë betejës së kemi mendimet dhe parimit tona që mendojmë se është e drejtë kundër korrupsionit.

Është një fakt i pamohueshëm që Erion Veliaj karrierën e tij politike e ka të mbyllur.

Vendosshmëria jonë është e palëkundshme për tu marrë me Veliajn dhe të gjithë personat e korruptuar.

Gazetarja Fero:  Sa kohë do vazhdojnë protesta, a do ketë përshkallëzim?

Shefi i organizimit në PD, Balliu:

Do të ketë përshkallëzim. Nuk merr vesh me të mirë do të ikësh më të keq. Sot kemi këtë aksion që nuk do të ndalet. Do të ftoja të gjithë të marrin fjalën, sepse kjo nuk është një protestë partiake.

Askush nuk po kërkon hiqni këtë dhe vendosni dikë tjetër. Por që një hajdut duhet të largohet është domosdoshmëri. Dhe pas kësaj të hymë në zgjedhje dhe qytetarët të votojnë të lirë. Po jo të bëhen zgjedhje me 5D.