Flash News

I kërkuar në Shqipëri për vrasje, arrestohet në Greqi Ardian Ahmetaj, shoku i Laert Haxhiut

Dita e dytë e “Giro d’Italia 2025”, rrugët që do bllokohen në Tiranë

Tre efektivë policie në Tiranë nën hetim për veprime arbitrare ndaj një të mituri

DW: Zgjedhjet parlamentare, provë vendimtare për në BE

Gazment Bardhi me akuza të forta: Terroristë elektoralë të Ballukut po blejnë vota në Fier

Ditari i Opozitës

Protesta e 7 korrikut, Mustafaj: Opozita të tregojë forcën mobilizuese që ka. Shoh frikë te Rama

Politiko 5 Korrik 2022, 20:36

Protesta e 7 korrikut, Mustafaj: Opozita të tregojë forcën

Ish ministri i Jashtëm, Besnik Mustafaj ka komentuar protestën e thirrur nga kreu i PD, Sali Berisha, e cila pritet të mbahet në 7 korrik.

I ftuar në ABC, Mustafaj thotë se PD ka nevojë të tregojë forcën mobilizuese që ka bërë gjatë kësaj periudhe, ndërsa në vjeshtë sipas tij është e dobishme ta fillojë me energji të reja.

“Besoj se do të shkonte shumë gjatë vera. Opozita ka nevojë të tregojë përpara pushimeve edhe forcën mobilizuese që ka. Është e dobishme për ta filluar vjeshtën me energji të reja”, tha ai.

I pyetur se përse deputetët që nuk janë mbështetës të Berishës, nuk pranuan të përfshihen në grupet e punës, Mustafaj thotë se po bëjnë gabim.

“Për mua është tregues i hezitimit. Po bëjnë një gabim serioz. Unë i kam miq. Ata presin që Berisha të negociojë me ta individualisht. Berisha nuk e bën kurrë këtë. Qasja që pati duke i përfshirë në grupet e punës ishte tregues se i quan të vetët. Për mua ishte një hap që nuk duhet ta lënë”, theksoi ai.

Lidhur me deklaratat e Berishës, i cili shprehet vazhdimisht me bindje se Rama do të largohet, Mustafaj thekson se për herë sheh frikë te kreu i qeverisë.

“Unë e njoh Berishën, edhe në ‘97 dhe ‘98. Berisha në të njëjtën gjuhë fliste. Ai është i sinqertë i beson ato që thotë. Ajo që më bën të besoj te ato që thotë Berishës është frika që shoh te Edi Rama. Për herë të parë po insiston të përdorë SPAK për ta nxjerrë nga fusha e betejës Berishën”, theksoi Mustafaj.

Të fundit