Flash News

Gjykojeni protestën nga kundërshtarët

Aksident në Greqi, ndërron jetë 16-vjeçari shqiptar

Protesta trazon PS-në/ Zegjineja e ‘meme-ve’ sulmon influenceren: Shëmtirë, diote. Balla kapet me Reuters

Vrasja në Paskuqan/ Autori është gjurmuar deri në Bovillë, ka braktisur mjetin

Publikoi tezën e Letërsisë 20 minuta pas nisjes së provimit, përjashtohet maturanti në Kukës

Ditari i Opozitës

Protesta e 8 shkurtit, Balliu: Thirrje që të jemi bashkë, qytetarët janë më të pushtetshëm se një politikan

Politiko 7 Shkurt 2025, 10:40

Protesta e 8 shkurtit, Balliu: Thirrje që të jemi bashkë,

Koordinatori rajonal i Tiranës, Drejtues organizativ në Partinë Demokratike, Klevis Balliu, i ftuar në Syri tv ka komentuar situatën politike në vend dhe ka përcjellë për teleshikuesit e shumtë qëndrimet e opozitës dhe organizimin e protestës së 8 shkurtit.

Klevis Balliu: Protesta e nesërme, mendoj unë është edhe për dinjitetin tonë. Ajo çfarë presim është një pjesëmarrje masive dhe për këtë jam i bindur edhe pas takimeve që kam bërë gati në të gjithë Tiranën. Ajo çfarë më ka bërë përshtypje në këto takime dhe dua ta them është që Edi Rama ka arritur tu fusë një frikë qytetarëve.

Është e frikshme sot që shikon qytetarë që sapo i kap një aparat fotografik, thonë, të lutem mos më bëj fotografi. Se u ka futur ky frikën. Se patronazhisti të ndjek. Këtë u ka bërë ky qytetarëve. Duhet ta dinë se qytetarët janë më të pushtetshëm se një politikan, dy politikanë apo e gjithë qeveria ne qoftë se janë bashkë. Dhe protesta këtë bën.

Të thërret që të jemi bashke. Unë nuk them që ne jemi perfektë. Nuk them që sa here që kemi qeverisur ne çdo gjë ka qenë lule.

Por, sa kemi qeverisur ne dhe kur të qeverisim ne, dinjiteti dhe respekti për qytetarin për njeriun për personalitetin nuk cungohet. Të bësh këto akte ti i cungon personalitetin njeriut. Të tmerrosh një popull të tërë se mund të kenë frikë se do dalin në fotografi, tek marrin një fletëpalosje programi apo një arsye të protestës, kjo është ti cenosh integritetin, personalitetin dhe dinjitetin, e njeriut.

Në këtë kuptim, kjo protestë është edhe për dinjitet por edhe për ti thënë kësaj qeverie që tallavaja juaj mbaroi dhe kombëtarë apo ndërkombëtarë çfarë janë, që vjedhjet që ju keni bërë këtu, që jua keni justifikuar këtyre, ndërkohë që këtë vidhnin me inceneratorët. Vinte Kim bënte një fotografi, ndërkohë që këta vidhnin.

Tigri 1 dhe Tigri 2 janë akoma 80 mijë euro në ditë. Vinte Kim dhe thoshte duken të shëmtuar por ata funksionojnë por nuk u ndezën kurrë. Iku Kimi dhe vjen tjetri, ndërkohë që këta qytetarë e paguajnë, vazhdojnë ta paguajnë atë. Kjo duhet të marrë fund. Edhe kjo vjen me këtë protestë por edhe me vazhdimësinë pas protestës që është bashkimi në një aksion politik dhe elektoral për të bërë ndryshimin.