Flash News

Gjykojeni protestën nga kundërshtarët

Aksident në Greqi, ndërron jetë 16-vjeçari shqiptar

Protesta trazon PS-në/ Zegjineja e ‘meme-ve’ sulmon influenceren: Shëmtirë, diote. Balla kapet me Reuters

Vrasja në Paskuqan/ Autori është gjurmuar deri në Bovillë, ka braktisur mjetin

Publikoi tezën e Letërsisë 20 minuta pas nisjes së provimit, përjashtohet maturanti në Kukës

Ditari i Opozitës

Protesta kombëtare, Xhaferri jep detaje: Do rrethojmë kryeministrinë

Politiko 24 Janar 2026, 16:25

Protesta kombëtare, Xhaferri jep detaje: Do rrethojmë

Kryetari i Forumit Rinor të Partisë Demokratike, Besart Xhaferri, njëkohësisht deputet i kësaj force politike ka deklaruar se protesta e opozitës do të jetë një "mbledhje e jashtëzakonshme" e qytetarëve, me një qëllim të qartë: rrëzimin e qeverisë dhe krijimin e një qeverie tranzitore.

Në një intervistë para protestës, Xhaferri theksoi se qytetarët nuk do të ndalen derisa të arrijnë objektivin e tyre final.

Sipas tij, protesta nuk ka një skenar të paracaktuar, pasi është "fluide dhe e lirë", por synon të dërgojë sinjale të qarta ndaj atij që e cilësoi si regjim.

“Ne nuk do ndalemi derisa Shqipëria të ketë një qeveri tranzitore që do krijojë kushtet e duhura, të denja, europiane për një garë elektorale,” u shpreh ai, duke shtuar se pushteti aktual i ka "përmbysur" qytetarët duke i shpopulluar, varfëruar dhe duke ua bërë të pamundur një jetë normale. Duke iu referuar rolit të të rinjve, Xhaferri pranoi se Shqipëria është shpopulluar prej tyre, duke e quajtur emigrimin një formë proteste me anë të largimit.

Megjithatë, ai bëri thirrje që kjo të ndryshojë. "Tani është koha që të mos protestojnë më me ikjen e tyre, por të protestojnë me ikjen e Edi Ramës," deklaroi kreu i FRPD. Ai konfirmoi se protestat do të jenë të vazhdueshme dhe të qëndrueshme, duke kulmuar me "zaptimin e atij bulevardi dhe rrethimin e asaj godine derisa kjo qeveri të rrëzohet".

Kërkesa kryesore dhe e panegociueshme, sipas tij, mbetet krijimi i një qeverie tranzitore. Ai përmendi emra si Ergys Agasi, Belinda Balluku, Ilir Beqaj dhe Arben Ahmetaj, si shembuj të zyrtarëve që nuk duhet t'i rikthehen më qeverisjes dhe institucioneve shqiptare. Xhaferri e mbylli argumentin e tij duke theksuar se kur taksat e qytetarëve keqpërdoren, pushteti e humbet të gjithë legjitimitetin.

Patjetër që do jetë një mbledhje e jashtëzakonshme e të gjithë qytetarëve të lirë që do, do vijnë dhe do zbresin në atë bulevard. Do e zaptojnë atë bulevard dhe patjetër që do i dërgojnë dhe sinjalet që duhet dërguar një regjimi. Skenar një protestë asnjëherë nuk e ka të paracaktuar, se përndryshe nuk është më protestë. Protesta është fluide, është e lirë, është e njerëzve të lirë dhe patjetër që Edi Rama sot do marri mesazhin e qartë që Shqipëria ka zot. Dhe zot të Shqipërisë janë qytetarët e Shqipërisë, të cilët kanë vendosur që asnjë pëllëmbë toke e këtij vendi mos të falet për arsye apo afera personale.

Asnjë oreks personal për t'u amnistuar nga drejtësia mos të lejohet dhe mbi të gjitha të kërkojmë që ky pushtet të përmbyset një orë e më parë sepse na ka përmbysur neve për fat të keq. Këto 13 vite na ka shpopulluar, na ka ndarë për së gjalli nga të dashurit tanë, na ka varfëruar, na e ka bërë të pamundur të bëhemi me një çati mbi kokë, na e ka bërë të pamundur të punësohemi në punë normale që të ndërtojmë jetën tonë, na ka bërë të pamundur të jetojmë jashtë Tiranës dhe të kemi mundësinë për të çuar fëmijët tona nëpër shkolla, kopshte, çerdhe, gjimnaze, na ka bërë të pamundur dhe në lagje të ndryshme të Tiranës ku jetojmë, të çojmë fëmijët në këto shërbime, dhe çdo gjë shkon zi e më zi.

Tani, shumë veta mund të thonë që po ju keni bërë shumë protesta dhe nuk ja keni arritur. E vërtetë është që po, nuk ja kemi arritur akoma. Dhe jemi të bindur që do ja arrijmë. Dhe do ja arrijmë sot, do ja arrijmë nesër, do ja arrijmë në javët në vazhdim, do ja arrijmë muajt në vazhdim, sepse ne nuk do ndalemi derisa Shqipëria të ketë një qeveri tranzitore që do krijojë kushtet e duhura, të denja, europiane për një garë elektorale nga ku do burojë një qeveri që do mirëqeverisi dhe jo nga farsa elektorale që buron një qeveri që kërkon me keqqeverisje të fitojë përsëri pushtetin.

Patjetër që do jenë të rinjtë dhe vullneti i të rinjve është i pari që duhet të ndryshojë situata. Por ka një problem të madh që Shqipëria është shpopulluar nga të rinjtë. Të rinjtë janë protestuar me ikjen e tyre. Tani është koha që mos protestojnë më me ikjen e tyre por të protestojnë me ikjen e Edi Ramës. Patjetër që do ketë protesta të vazhdueshme, të qëndrueshme dhe patjetër që ne do kulmojmë me zaptimin e atij bulevardi dhe moslëshimin e atij bulevardi dhe rrethimin e asaj godine derisa kjo qeveri të rrëzohet.

Qeveri tranzitore. Kjo është kërkesa e të gjithë shoqërisë shqiptare. Në mënyrë që njerëz si Ergys Agasi, njerëz si Belinda Balluku, njerëz si Ilir Beqaj, njerëz si Arben Ahmetaj po ashtu, që sot mund të pretendohet është i penduar, por aspak. Duhet të vijë të dorëzohet, të rrëfejë krimet e tija dhe të thotë si ka bashkëpunuar Edi Rama me krimet e tij. E kështu me radhë. Njerëz të tillë nuk duhet t'i rikthehen më qeverisjes dhe institucioneve shqiptare. Sepse të gjithë pushteti buron nga taksapaguesit. Dhe nëse taksat e shqiptarëve keqpërdoren, atëherë ai pushtet nuk është më legjitim.