Flash News

Bie zjarr në një pallat në Astir

KAS i rrëzoi kërkesën për rinumërim të votave, Alimehmeti padit KQZ-në në Kolegjin Zgjedhor

Mahmut Orhan sjell një eksperiencë unike me Curious X

Gjashtë policë dërgohen në gjyq, nuk vendosnin gjoba edhe pse shikonin shkelje

Vrasja e Martin Canit/ 5 të mitur thirren për të dëshmuar në Gjykatë, autori mohon akuzat

Ditari i Opozitës

Protesta nesër, Ulqinaku: Shkodranët do të jenë në Tiranë për t'i thënë ndal vjedhjes

Politiko 22 Dhjetor 2024, 16:29

Protesta nesër, Ulqinaku: Shkodranët do të jenë në

Këshilltarja e PD në Këshillin Bashkiak të Shkodrës Izmira Ulqinaku ftoi shkodranët t’i bashkohën nesër protestës së thirrur nga opozita në Tiranë.

 Përmes një deklarate për mediat, Ulqinaku tha se taksat do të rriten ndjeshëm vitin e ardhshëm me propozim të Kryebashkiakut Benet Beci.

“Të nderuar bashkëqytetarë,
Ky vit po mbyllet me nje bilanc negativ për banorët e Shkodrës. Ekonomia e familjeve sa vjen e ulet në kufirin e varfërisë. Vëmendja dhe mbështetja nga shteti nuk duket gjekundi, përkundrazi Viti i ri 2025 pritet të jetë edhe më i veshtirë ekonomikisht.
Kryetari i Bashkisë Shkodër i emeruar nga bandat, të enjten prezantoi para Këshillit Bashkiak, buxhetin e varfërimit.
Buxheti i vitit 2025, i cili u votua nga të gjithë përfaqesuesit e mazhorancës, parashikon dyfishim të taksave e tarifave lokale. Nuk parashikon investime serioze nga taksat tona, parashikohen aktivitete sociale të panevojshme ku paratë bëhen tym e vidhen.
Shkodra, ndër qytetet më të varfra në Shqipëri, nuk meriton dyfishimin e tarifës së ujit të pijshëm. Nga 1 janari, shkodranët do të perballen edhe me këtë rritje, përvec dyfishimit të tarifës së pastrimit, ndricimit e gjelbërimit.
Buxheti 2025 nuk mbështet asnjë kategori të banorëve të Shkodrës:
- Nuk mbështet fëmijët, investim në kopshte cerdhe
- Nuk mbështet ciftet e reja, ndihmë në blerje shtëpie etj
- Nuk mbështet fermerët
- Nuk mbështet familjet e pamundura ekonomikisht
- Nuk mbështet bizneset e reja
- Nuk mbështet asnjë qytetar, por kërkon tua nxijë dhe t'i largojë drejt rrugëve të Europës e Botës.
Edi Rama e Benet Beci janë si vëllezër në konceptin qeverisës, politika e tyre është dyfishim taksash e tarifash, varfërim dhe vetëm varfërim.
Benet Beci nuk ka propozuar uljen e asnjë takse e tarife, të gjitha i ka rritur pa asnjë lloj arsye.
Ne, përfaqësuesit e Partisë Demokratike e dënojme këtë model dhe jemi kundër politikave varfëruese.
Me ardhjen tonë në pushtet cdo qytetar do të ndihet i vlerësuar dhe mirëqenia e secilit do të jetë primare. Ekonomia është pika kyce e programit tonë. Ulje taksash e tarifash për cdo shqiptar, rritje pagash e pensionesh, është ajo cfar ne do të realizojmë, në mënyrë që të ndalet hemoragjia e të rinjve drejt shteteve të huaja.
Shkodranët nesër do të vërshojnë drejt Tiranës, për të reaguar ndaj padrejtësive, për ti dhënë një goditje të fortë regjimit varfërues.
Nesër e hënë, datë 23 Dhjetor, ora 17:00, shkodranët do të jenë në Tiranë për t'i thënë ndal vjedhjes e pasurimit të pushtetarëve.
Ftoj secilin prej jush, të bëhemi bashkë!
Është radha jonë!", tha Ulqinaku. 

Të fundit